Fimm fjöl­býlis­hús í ljósum logum

Þrír íbúar og einn slökkviliðsmaður hafa látið lífið í eldhafinu, samkvæmt miðlinum South China Morning Post. Að minnsta kosti þrír slökkviliðsmenn eru slasaðir og eldri maður hefur sagt að eiginkona hans hafi verið föst í íbúð þeirra.

SCMP hefur eftir lögreglu að nokkrar tilkynningar hafi borist um fólk sem sé fast í húsunum. Ekki er vitað hve margir urðu innlyksa í húsunum.

Lögreglan sagði fyrr í morgun, að þremur klukkustundum eftir að eldarnir kviknuðu hefðu enn verið að berast símtaöl frá fólki sem sat fast inn í húsunum. Einn þeirra var fastur á þaki eins hússins.

SCMP hefur eftir embættismanni í Hong Kong að talið sé að að minnsta kosti þrettán séu fastir inni í húsunum. 

Eldurinn var fyrst settur í fyrsta flokk en fljótt færður upp í þann fjórða. Síðar var hann svo settur í fimmta flokk, sem er hæsti flokkur elda í Hong Kong. Flokkarnir fara eftir því hversu alvarlegir eldarnir eru.

Þetta er fyrsti fimmta flokks eldurinn í Hong Kong í sautján ár.

Stillasar úr bambus eru algengir þar sem framkvæmdir eiga sér stað í Hong Kong. Yfirvöld þar tilkynntu fyrr á þessu ári að til stæði að reyna að fækka þeim á opinberum vinnustöðum, til að auka öryggi.

Hér að neðan má sjá beina útsendingu Reuters frá Hong Kong.

Fréttin hefur verið og verður uppfærð.