Golf

Tóku símana af stelpunum alla keppnisferðina

Óskar Ófeigur Jónsson skrifar
Stelpurnar þurftu að setja símana sína í símakassann og lifa án hans alla ferðina.
Stelpurnar þurftu að setja símana sína í símakassann og lifa án hans alla ferðina. Getty/Rolf Vennenbernd/@swedishgolfteam

Sænska stúlknalandsliðið í golfi fór í keppnisferð til Spánar á dögunum en það var ein regla í ferðinni sem hefur vakið talsverða athygli.

Snjallsíminn er sjaldnast langt í burtu frá öllum í dag, hvað þá hjá unglingsstelpum en hann var það hjá þessum sænsku landsliðskonunum.

Stúlknalandsliðið var nefnilega án nettengingar í tíu daga eða alla keppnisferðina sína.

Þær voru eins og áður sagði á leið til Spánar þar sem þær tóku þátt í spænska meistaramótinu í höggleik.

„Við erum í ferðalagi þar sem við ætlum að rannsaka hvað gerist hjá okkur þegar við erum ekki á netinu eða notum skjái. Á meðan við erum í Amsterdam læsum við símunum okkar og markmiðið er að opna símakassann ekki fyrr en þegar við erum í Amsterdam á leiðinni heim aftur,“ sagði í frétt á samfélagssíðu liðsins.

Þar má sjá myndband af stelpunum setja símana sína ofan í símakassann hér fyrir ofan.

Landsliðsþjálfararnir vildu fá stelpurnar til að lifa meira í núinu og tengjast hver annarri betur í raunheimi.

„Við ætlum að uppgötva hvernig það er að gera eitthvað sem flestir hafa aldrei gert áður. Markmiðið er að verða betri í golfi, læra eitthvað um okkur sjálf og hvert annað,“ sagði í fréttinni.

Þær fengu síðan símana sína aftur í ferðarlok eins og sjá má hér fyrir neðan.




Fleiri fréttir

Sjá meira


×