FH-ingar kveðja Kjartan Henry

Kjartan Henry var aðstoðarþjálfari Heimis Guðjónssonar sem hætti sem þjálfari liðsins á dögunum og tók í staðinn við Lengjudeildarliði Fylkis.

Kjartan Henry gekk til liðs við FH fyrir tímabilið 2023 og sló strax í gegn á sínu fyrsta tímabili sem leikmaður FH með því að skora níu mörk. Það var hans síðasta tímabil á ferlinum.

Kjartan gekk svo til liðs við þjálfarateymið og gerðist aðstoðarþjálfari Heimis Guðjónssonar.

FH þakkar Kjartani kærlega fyrir frábært starf í þágu félagsins og óskar honum alls hins besta í því sem fram undan er.

Kjartan Henry hefur verið orðaður við þjálfarastöðuna hjá Njarðvík. Hann gæti því mætt Heimi næsta sumar verði af þeim vistaskiptum.