Sjáðu þrumu­fleyg Fred og snöggt svar Stjörnunnar

Fred Saraiva tók forystuna fyrir Fram í upphafi seinni hálfleiks með glæsilegu marki, þrumufleyg fyrir utan teig sem söng í netinu.

Örvar Eggertsson var snöggur að svara fyrir Stjörnuna og jafnaði metin aðeins um fimm mínútum síðar, þegar hann lúrði á fjærstönginni og potaði boltanum í netið eftir fyrirgjöf Alpha Conteh, en fagnaði lítið.

Stigið setti Stjörnuna þremur stigum fyrir ofan Breiðablik. Liðin mætast í úrslitaleik um þriðja sæti deildarinnar næsta sunnudag. Blikarnir verða að vinna þann leik með tveimur mörkum eða meira til að tryggja sér þriðja sætið og Evrópukeppnina sem því fylgir.