Af hverju falla metin ekki á Ís­landi?

Fyrra Íslandsmet Baldurs var frá árinu 2023 þegar hann hljóp 10 kílómetrana á 28 mínútum og 51 sekúndu. Hann reyndi að bæta metið í Reykjavíkurmaraþoninu í sumar en veðuraðstæður gerðu honum erfitt fyrir.

Metið féll hins vegar í Rúmeníu fyrir rúmri viku, þegar Baldur hljóp á 28 mínútum og 37 sekúndum, eða 14 sekúndum hraðar en fyrra metið. Hann ætlar sér samt að fara enn hraðar:

„Mig langaði að fara undir 28 mínútur og ég var alveg á því „pace“-i fyrstu sjö kílómetrana. Síðustu þrír kílómetrarnir voru svolítið erfiðir. Ég missti megnið af tímanum þar,“ sagði Baldvin við Ágúst Orra Arnarson í Sportpakkanum á Sýn. Viðtalið má sjá hér að neðan.

Baldvin veltir því nú fyrir sér að gera aðra atlögu að 28 mínútna múrnum í næsta mánuði, í Lille í Frakklandi, en mun svo klárlega keppa í Valencia á Spáni í janúar.

En af hverju eru Íslandsmetin í 10 kílómetra hlaupi aldrei sett á Íslandi? Baldvin segir að það sé ekki vegna veðurs heldur vegna lítillar samkeppni:

„Það munar svo miklu þegar þú ert að reyna að ná öllu út úr þér, að hafa aðra til að keppa við og vera dreginn áfram. Vera í umgjörðinni og hafa spennuna sem fylgir því að keppa við aðra. Það skiptir svo rosalega miklu, til að ná hundrað prósent hlaupi. Það eru góðar aðstæður á Íslandi, þó ekki sé hægt að stóla á þær, en aðalástæðan er keppnin sem maður fær,“ sagði Baldvin en nánar er rætt við hann í spilaranum hér að ofan.