Svona var kynningarfundurinn fyrir Bónus-deildirnar í vetur

Haukar og Stjarnan eru ríkjandi Íslandsmeistarar kvenna og karla eftir stórkostlega úrslitakeppni í vor en nú er nýtt tímabil að hefjast. Meistarakeppni KKÍ er um helgina, í beinni útsendingu á sportrásum Sýnar, og svo hefst fyrsta umferð kvenna á þriðjudaginn og fyrsta umferð karla á fimmtudaginn. Allir leikir í deildunum verða sýndir á sportrásum Sýnar.

Á fundinum var kynnt spá þjálfara, fyrirliða og formanna í Bónus-deildunum og 1. deildum en einnig spá fjölmiðla í Bónus-deildunum.

Hitað verður rækilega upp fyrir Bónus-deild kvenna í Körfuboltakvöldi á Sýn Sport Ísland í kvöld klukkan 20, með nýjum stjórnanda, og Stefán Árni Pálsson verður svo með sína sérfræðinga í Körfuboltakvöldi karla á þriðjudagskvöld.