ÁTVR stór­græði á mis­notuðu kerfi og lög­reglu­stöð í Breið­holti

Við fjöllum um fjölmenn mótmæli í London þar sem hundrað þúsund manns mótmæltu innflytjendastefnu Bretlands. 

Borgarfulltrúi Sjálfstæðisflokksins vill að sérstök hverfislögreglustöð verði starfrækt að nýju í Breiðholti og hyggst leggja fram tillögu þess efnis í borgarstjórn. Hann segir að dæmi séu um að íbúar og rekstraraðilar í hverfinu hafi þurft að bíða í hátt í hálftíma eftir því að fá lögreglu á vettvang.

Utanríkisráðherra fundar um helgina með kollegum sínum á Norðurlöndunum á Grænlandi. Hún segir mikilvægt að Ísland sýni Grænlendingum að við styðjum þá í að taka eigin ákvarðanir. Rætt verður við hana í kvöldfréttum.

Við kíkjum í réttir en fjárréttir fara víða fram um helgina, meðal annars á Suðurlandi þar sem fjölmenni sótti Hrunaréttir og Tungnaréttir í gær og Reykjaréttir og Tungnaréttir í dag í blíðskaparveðri. Mikið var sungið í Tungnaréttum og tók Magnús Hlynur, okkar maður, að sjálfsögðu þátt í söngnum.

Við verðum í beinni úr Vatnsmýrinni þar sem fram fer frumsýning á uppistandssýningu sem kennd er við Púðursykur.