Sprengjuregn, svikin lof­orð, og vel heppnuð hárígræðsla

Það væru svik við gefin loforð og hættulegt fordæmi ef bygging Fjarðarheiðarganga færi aftar í röðina en fyrirliggjandi áætlanir gera ráð fyrir. Þetta segja leiðtogar sveitarstjórnar í Múlaþingi sem hafa kallað eftir fundi með forsætisráðherra vegna málsins. Fjallað verður um málið í kvöldfréttum.

Tveir menn voru handteknir eftir aðgerð hér á landi þar sem starfsemi einnar stærstu rafmyntaþvottastöðvar heims var stöðvuð. Í kvöldfréttum heyrum við hvernig þessar þvottastöðvar virka og af hverju þær eru hýstar á Íslandi.

Auk hittum við skólastjóra sem mótmælir áformum um samræmt símabann og verðum í beinni frá Mosfellsbæ þar sem bæjarhátíð er hafin.

Í Sportpakkanum gerum við upp tapleikinn gegn Ísraelum og í Íslandi í dag sjáum við vel heppnaða hárígræðslu.