Innlent

Hjól­reiða­maður slasaður við Kerlingar­fjöll

Agnar Már Másson og Silja Rún Sigurbjörnsdóttir skrifa
Slysið varð við afleggjarann að Kerlingarfjöllum. Myndin er úr safni.
Slysið varð við afleggjarann að Kerlingarfjöllum. Myndin er úr safni. Getty/Andreas Werth

Þyrla Landhelgisgæslunnar og björgunarsveitir voru kölluð út rétt fyrir klukkan 15 í dag vegna hjólreiðamanns sem slasaðist í grennd við Kerlingarfjöll.

„Þetta var talið það alvarlegt að þetta var boðað út á fyrsta forgang,“ segir Ásgrímur L. Ásgrímsson, framkvæmdastjóri aðgerðasviðs Landhelgisgæslunnar, sem staðfestir slysið í samtali við fréttastofu. 

Þyrlan lenti við Landspítalann í Reykjavík rétt eftir klukkan fimm. Líðan hjólreiðamannsins sé betri heldur en talið var.

Björgunarsveitirnar Eyvindur frá Flúðum, Björgunarsveitin Biskupstungum, Ingunn frá Laugavatni og Tinton úr Grímsnesi voru einnig verið kallaðar út, ásamt sjúkraflutningamönnum Selfossi.

Slysið varð á Kjalvegi nálægt afleggjaranum að Kerlingarfjöllum, segir hann. Tildrög slyssins eru óljós en aðeins einn slasaðist að sögn Ásgríms.

Veist þú meira um málið? Við tökum á móti ábendingum af öllu tagi á ritstjorn@visir.is. Fullum trúnaði er heitið.

Hjólreiðar Landhelgisgæslan Hrunamannahreppur

Mest lesið


Fleiri fréttir

Sjá meira


×

Mest lesið