Lög­regla af­þakkar þjónustu Skjaldar Ís­lands og Guðni boðar brennu

Fjallað verður um hópinn í kvöldfréttum Sýnar, en enginn aðstandenda hans hefur viljað ræða við fréttastofu í dag.

Einnig verður greint frá mannúðarkrísunni sem enn fer versnandi á Gasa, en heilbrigðisyfirvöld þar segja tugi hafa látist úr vannæringu síðustu daga, auk þess sem fleiri en þúsund hafa verið drepnir þegar þeir hafa reynt að sækja sér mat á fjöldahjálparstöðvar, samkvæmt Sameinuðu þjóðunum.

Við segjum frá fyrirhugaðri Njáluhátíð, sem Guðni Ágústsson fyrrverandi ráðherra fer fyrir, en þar veður brennan á Bergþórshvoli sett á svið. Það er nokkuð sem Guðni sjálfur segir að verði tignarlegasta sjón allra tíma.

Fylgst verður með undirbúningi fyrir Þjóðhátíð í Vestmannaeyjum, sem verður sett eftir tíu daga, en fréttamaður okkar Smári Jökull er staddur í Eyjum um þessar mundir.

Við fylgjumst með áhugaverðri æfingu í að bregðast við árásum bjarndýra í Japan og heyrum hljóðið í nýjum flygli í Skálholti, sem tók tvö ár að safna fyrir.