West Ham sækir bakvörð frá föllnum Southampton-mönnum

Walker-Peters kemur frítt til West Ham, en samningur hans við Southampton rann út í sumar eftir að liðið féll úr ensku úrvalsdeildinni.

Hann skrifar undir þriggja ára samning við Hamrana.

Walker-Peters hóf feril sinn hjá Tottenham, en lék aðeins tólf deildarleiki á þeim fimm árum sem hann var á mála hjá félaginu. Hann fór svo til Southampton á láni árið 2020 áður en hann var keyptur til félagsins það sama ár.

Hann hefur leikið 169 deildarleiki fyrir Southampton og skorað í þeim fjögur mörk. Þá á hann einnig að baki tvo leiki fyrir enska landsliðið.