Syst­kinin leikjahæst: „Heiður að taka fram úr al­vöru goð­sögnum“

Sigurður hefur nú leikið 250 leiki í efstu deild hjá Val. Hann er uppalinn hjá Víkingum en verið nánast allan sinn meistaraflokksferil á Hlíðarenda. Hann hefur skorað 47 mörk í efstu deild og verið hjá félaginu í tólf ár. Metið áttið Haukur Páll Sigurðsson sem lék 248 leiki með Valsmönnum í efstu deild. Systir hans, Dóra María Lárusdóttir er leikjahæsti leikmaður Vals í efstu deild kvennamegin. Dóra lék 269 leiki með Val í efstu deild.

„Ég er mjög stoltur og ánægður með það að vera orðinn leikjahæsti leikmaður í sögu Vals, og það fyrir eitt stærsta félagið á landinu. Það er mikill heiður að taka fram úr alvöru goðsögnum sem hafa spila fyrir Val,“ segir Sigurður Egill Lárusson í Sportpakkanum á Sýn.

Skoraði bæði í bikarúrslitum

„Pabbi er mikill Valsari og öll fjölskyldan hans eru Valsarar. Maður hefur alveg fengið einhver boð um að fara annað en alltaf endar maður í Val. Mér er búið að líða ógeðslega vel hérna,“ segir Sigurður en það sem stendur upp úr hjá honum á ferlinum er bikarúrslitaleikurinn árið 2016 sem Valur vann. Þá skoraði hann bæði mörk liðsins í leiknum.

En hver er besti leikmaðurinn sem hann hefur spilað með?

„Ég er búinn að spila með mjög mörgum góðum en ég verð að segja Patrick Pedersen, hann er sá besti.“