Börn í slags­málum, arð­bær bjórsala og dekurprinsessa

Fordæmalaus hitabylgja gengur yfir Evrópu og hitamet falla hvert af öðru. Við sjáum myndir og ræðum við fagstjóra hjá Veðurstofunni sem segir ástandið mjög óvenjulegt á þessum tíma.

Þá tökum við á hitamáli, sem snýr að áfengissölu á íþróttaleikjum, en lögreglan á höfuðborgarsvæðinu hefur undanfarna daga fundað með forsvarsmönnum knattspyrnufélaga og hefur eitt félag hætt sölu á áfengi í bili. Við ræðum við fyrrverandi framkvæmastjóra íþróttafélags sem segir tekjur af bjórsölu í sumum tilvikum meiri en af miðasölu. Um stórt hagsmunamál sé því að ræða.

Við kíkjum auk þess á Alþingi þar sem þingmenn segjast hvergi nærri hættir að ræða veiðigjöld, kynnumst afrekshryssu sem er lýst sem dekurprinsessu og verðum í beinni útsendingu frá fréttastúdíói Ríkisútvarpsins - þar sem síðasti tíufréttatíminn verður fluttur í kvöld.

Þetta og margt fleira í opinni dagskrá á samtengdum rásum Sýnar, Vísis og Bylgjunnar klukkan 18:30.