Fær­eyingar töpuðu eftir tvíframlengdan leik

Danir unnu Svía 40-37 á sama tíma en báða undanúrslitaleikina varð að framlengja.

Danir og Portúgalar spila til úrslita en Svíar og Færeyingar um bronsið.

Úrslitin í leik Færeyinga réðust ekki fyrr en eftir tvíframlengdan leik. Portúgal vann á endanum 38-37 sigur.

Portúgalar voru þremur mörkum yfir í hálfleik, 15-12, en færeyska liðið vann sig aftur inn í leikinn.

Þeir tryggðu sér framlengingu með því að skora síðasta markið í venjulegan leiktíma og tryggðu sér aðra framlengingu með því að skora tvö síðustu mörkin.

Portúgalska liðið var hins vegar sterkara liðið í annarri framlengingunni og náði að lokum að landa sigri og sæti í úrslitaleiknum.

Þrátt fyrir tap þá var Færeyingurinn Óli Mittún valinn maður leiksins en hann var með 11 mörk og 12 stoðsendingar í leiknum.