Sögu­legur NATO-fundur, umræðumet í upp­siglingu og af­mæli í Heið­mörk

Nánar verður fjallað um niðurstöðu fundarins og rætt við forsætisráðherra í kvöldfréttum Sýnar.

Í fréttatímanum verður einnig rætt við fulltrúa ungmennaráðs Akureyrar en ungmenni í bænum segjast gáttuð á samráðsleysi bæjarstjórnar vegna breytinga á starfsemi félagsmiðstöðva.

Allt stefnir í að met verði slegið í umræðu um veiðigjaldsfrumvarpið á Alþingi en umræðan er nú þegar orðin meðal þeirra lengstu í sögunni. Formaður atvinnuveganefndar segir staðfest að meirihluti nefndarinnar hafi reiknað veiðigjaldið rétt, þvert á það sem minnihlutinn hafi haldið fram. Þetta tekur fulltrúi minnihlutans í nefndinni undir.

Í fréttatímanum verðum við einnig í beinni útsendingu frá Heiðmörk en friðlandið fagnar 75 ára afmæli í dag, og lítum við í Kjarnaskógi þar sem ævintýri Múmínálfanna verða áberandi í sumar. 

Ísland komst upp úr þriðju deildinni upp í aðra á Evrópubikarmótinu í frjálsum íþróttum í Slóveníu í dag.

Þetta og fleira í kvöldfréttum Sýnar í opinni dagskrá klukkan 18:30.