Svekkjandi tap eftir mis­heppnaða sendingu

Finnarnir voru mun hættulegri í fyrri hálfleik og ógnuðu mikið meðfram vinstri vængnum, en Viktoría Sólveig í marki Íslands sá vel við þeim.

Í seinni hálfleik varð meira jafnræði með liðunum og Ísland fór að ógna marki Finnlands.

Stelpurnar okkar fengu hins vegar á sig svekkjandi mark eftir misheppnaða sendingu upp úr íslensku vörninni. 

Finnarnir voru síðan næstum því búnir að bæta öðru marki við eftir góða stungusendingu, en skotið var vel varið.

Ísland fékk tækifæri til að jafna undir lok leiks þegar Ragnheiður Þórunn vann boltann á vallarhelmingi Finnlands, en skot Sunnu Rúnar fór rétt yfir markið.

Lið Íslands í leiknum má finna hér fyrir neðan.