John Andrews og Björn reknir

John tók við þjálfun liðsins í nóvember 2019. Liðið vann næstefstu deild árið 2023 og varð Mjólkurbikarmeistari sama ár.

Björn kom inn í þjálfarateymi liðsins haustið 2024 en hann þjálfaði áður um árabil hjá sænska úrvalsdeildarfélaginu Kristianstads DFF og síðan Selfoss áður en hann kom heim í Víking.

„Það er ákvörðun stjórnar knattspyrnudeildar Víkings að nú sé tímabært að gera breytingar með hagsmuni liðsins og framtíðaruppbyggingu að leiðarljósi. Stjórn knattspyrnudeildar Víkings þakkar John og Birni fyrir samstarfið og óskar þeim velfarnaðar og hamingju í næstu verkefnum,“ segir í tilkynningu frá Víkingum. Liðið er sem stendur í næst neðsta sæti Bestu deildar kvenna með 7 stig.

Stjórn knattspyrnudeildar Víkings hefur þegar hafið undirbúning að ráðningu nýs þjálfara og verður sá aðili kynntur á næstunni.