Læri­sveinar Freys töpuðu fyrir norsku meisturunum

Eggert Aron Guðmundsson spilaði fram að 61. mínútu fyrir Brann en náði ekki að koma í veg fyrir tapið.

Það var strax á fimmtu mínútu sem Ole Blomberg skoraði fyrsta mark leiksins fyrir Bodö/Glimt. Þetta hélt áfram að vera erfitt fyrir Brann í fyrri hálfleik, þar sem þeir fengu annað mark á sig á 34. mínútu en það var dæmt ólöglegt af dómara leiksins.

Kasper Hogh bætti svo við öðru marki Bodö/Glimt á 40. mínútu leiksins, og útlitið svart fyrir Frey og félaga.

Seinni hálfleikurinn fór jafn illa af stað fyrir Brann og sá fyrri. Ulrik Saltnes skoraði á 47. mínútu og Bodö/Glimt komið í 3-0

Brann er enn í öðru sæti deildarinnar eftir þetta tap, en Rosenborg er stigi á eftir þeim með leik til góða. Auk þess sem Bodö/Glimt er fjórum stigum á eftir þeim með þrjá leiki til góða.