Fótbolti

Mbappé fluttur á sjúkra­hús

Sindri Sverrisson skrifar
Kylian Mbappé var við hestaheilsu þegar hann lék með franska landsliðinu í úrslitum Þjóðadeildarinnar fyrr í þessum mánuði.
Kylian Mbappé var við hestaheilsu þegar hann lék með franska landsliðinu í úrslitum Þjóðadeildarinnar fyrr í þessum mánuði. Getty/Markus Gilliar

Franska knattspyrnustjarnan Kylian Mbappé var flutt á sjúkrahús vegna bráðatilfellis eftir að hafa sýnt einkenni maga- og garnabólgu (e. gastroenteritis).

Mbappé ætti að vera með liði Real Madrid á HM félagsliða í Bandaríkjunum en spænska félagið hefur nú greint frá því að hann sé á sjúkrahúsi.

Mbappé, sem er 26 ára, var utan hóps og sagður veikur þegar Real mætti Al Hilal í Miami í gær.

Samkvæmt tilkynningu Real hefur Mbappé nú verið lagður inn á sjúkrahús þar sem hann mun gangast undir ýmsar rannsóknir og hljóta viðeigandi meðferð.

Næsti leikur Real á HM er við Pachuca á sunnudaginn.

HM félagsliða í fótbolta 2025

Mest lesið


Fleiri fréttir

Sjá meira


×

Mest lesið