Ís­lendingar sem vilja komast heim, háhyrningatorfa og blokkamyndun

Framsóknarflokkurinn myndi þurrkast út í borgarstjórn ef gengið yrði til kosninga í dag samkvæmt könnun Gallup. Ólafur Þ. Harðarson, stjórnmálafræðingur, mætir í myndver og ræðir erfiða stöðu flokksins og pólitíkina í aðdraganda sveitastjórnarkosninga.

Við ræðum við formann Landssambands smábátaeigenda sem segir tegundir hafa þurrkast út við landið vegna botnvörpuveiða Hann tekur undir tekur undir áhyggjur sem koma fram í heimildarmynd David Attenborough um skaðsemi veiðanna á lífríki sjávar.

Þá heyrum við í manni sem varð skyndilega umkringdur háhyrningum þegar hann var á sjóbretti við landið í gær. Við sjáum magnaðar myndir frá atvikinu en hann segist ekki hafa orðið skelkaður.

Auk þess verðum við í beinni frá Alþingi þar sem umræða um veiðigjöld hefur verið tekin upp að nýju og verðum í beinni frá Vesturbæjarlaug þar sem framkvæmdir hafa dregist á langinn. Unnið er að því að skrapa áratugagömul málningarlög af sundlauginni.

Í Sportpakkanum heyrum við í Gísla Þorgeiri sem hefur sigrast á miklu mótlæti og í Íslandi í dag förum við í flugferð með RAX sem hefur tekið yfir milljón myndir á ferlinum.

Kvöldfréttir Sýnar má sjá í heild sinni hér að neðan: