Marka­laust hjá Fluminense og Dortmund

Þetta var fyrsti leikur F-riðils þar sem liðin leika með Mamelodi Sundowns frá Suður-Afríku og Ulsan HD frá Suður-Kóreu.

Brassarnir í Fluminense voru líklegri til afreka í leik dagsins, en fundu ekki netmöskvana og leiknum lauk með markalausu jafntefli.

William Cole Campell, sem á leiki fyrir yngri landslið Íslands en hefur kosið að leika fyrir hönd Bandaríkjanna, sat allan tímann á bekknum hjá Dortmund.

Liðin eru nú bæði með eitt stig eftir einn leik í F-riðli, en Mamelodi Sundowns og Ulsan HD mætast í kvöld.