Kröfur Bandaríkja­for­seta, „lág­kúru­leg“ blokk og hátíðar­höld

Þar verður einnig fjallað um áform Reykjavíkur um byggingu íbúðablokkar við Birkimel sem mætt hafa harðri gagnrýni. Arkítekt sem býr á svæðinu segir að hreinlega sé um menningarslys að ræða.

Við fylgjumst með frá veitingu Fálkaorðunnar á Bessastöðum í dag, þar sem fimmtán manns bættust í hóp þeirra sem sæmdir hafa verið þessum mikla heiðri. Þá sjáum við frá hátíðarhöldum á 17. júní víða um land, og jafnvel utan landsteinanna, auk mótmæla sem blásið var til við Austurvöll.

Í Sportpakkanum sjáum við fótboltastjörnur framtíðarinnar leika listir sínar á Akranesi, þar sem Norðurálsmótið fer fram.

Þetta og fleira í kvöldfréttum Sýnar í opinni dagskrá, á samtengdum rásum Sýnar, Vísis og Bylgjunnar á slaginu 18:30.