„Erum að horfa á eitt­hvað betra en vopna­hlé“

Í gærkvöldi sagði Trump að allar 9,5 milljónir íbúa Tehran, höfuðborgar Íran, ættu að flýja en Bandaríkin hafa verið að flytja umtalsverðan herafla til Mið-Austurlanda síðustu daga. Hann fór auk þess fyrr af fundi G7-ríkjanna í Kanada í morgun til að funda með öryggisráðgjöfum sínum um átökin milli Íran og Ísraels.

Íranar hafa haldið áfram að skjóta eldflaugum á Ísrael, eftir að Ísraelar hafa gert umfangsmiklar loftárásir í Íran. Eldflaugunum virðist þó fara fækkandi og Ísraelar segjast hafa tryggt sér yfirráð í háloftunum yfir Íran.

„Ég er ekki að leita að vopna hlé. Við erum að horfa á eitthvað betra en vopnahlé,“ sagði Donald Trump við blaðamenn í dag. Enn er ekki ljóst hvað forsetinn átti við með ummælum sínum um „eitthvað betra“ og þegar hann var spurður nánar svaraði hann: „Alvöru endi.“

En í framhaldi af því ítrekaði hann afstöðu sína um að Íranir mættu ekki alls ekki öðlast kjarnorkuvopn en undanfarna mánuði hefur forsetinn leitast eftir samningi við Írana þess efnis.

Hann sagði að það tæki frekari viðræðna en hann væri „ekki í skapi í viðræður akkúrat núna“. Bætti hann við að Íranir hefðu átt að samþykkja það tilboð sem Trump lagði til áður en átökin brutust út. Hann hélt svo á fund með öryggisráði Hvíta hússins.