Sport

Fjórir dæmdir fyrir hatursglæp gegn Vinicius Jr

Haraldur Örn Haraldsson skrifar
Vinicius Jr hefur þurft að þola mikinn hatur síðan hann gekk í raðir Real Madrid
Vinicius Jr hefur þurft að þola mikinn hatur síðan hann gekk í raðir Real Madrid Getty/Vísir

Fjórir hafa verið dæmdir fyrir hatursglæp gegn Vinicius Jr leikmanns Real Madrid. Þeim hefur verið gefið skilorðsbundinn fangelsisdóm, eftir að allir skrifuðu undir afsökunarbeiðni sem var sent á leikmanninn, Real Madrid, La Liga og spænska knattspyrnusambandið.

Atvikið lýsir sér þannig að þessi hópur hengdi upp uppblásanlegt líkneski af leikmanninum, með borða undir þar sem stóð „Madrid hatar Real“. Þetta var gert árið 2023 við brú rétt fyrir utan æfingavöll Real Madrid.

Dómurinn inniheldur einnig nálgunarbann, sem segir að þeir verði að vera alltaf minnst kílómeter frá Vinicius, heimili hans og æfingasvæðis Real Madrid. Auk þess að þeim verður ekki heimilt að mæta á leiki í La Liga eða hjá spænska landsliðinu.

Samkvæmt Real Madrid hafa nú 14 manns verið dæmdir fyrir kynþáttaníð gegn leikmönnum liðsins.

Spænski boltinn Fótbolti

Mest lesið


Fleiri fréttir

Sjá meira


×

Mest lesið