Mót­herjar Ís­lands urðu fyrir á­falli rétt fyrir EM

Bachmann varð fyrir því óláni að meiðast illa á hné á æfingu í gær. Blick hefur staðfestar heimildir um að meiðslin séu það alvarleg að Bachmann missi af mótinu.

Bachmann er 34 ára gömul og hefur skorað 60 mörk í 153 landsleikjum.

Hún spilar þessa dagana með bandaríska liðinu Houston Dash en var þá á undan hjá stórliðum eins og Rosengård, Wolfsburg, Chelsea og Paris Saint-Germain.

Aðeins Ana-Maria Crnogorčević hefur spilað fleiri landsleiki fyrir Sviss og skorað fleiri landsliðsmörk en Bachmann.

Þetta er mikið áfall fyrir svissneska landsliðið sem mætir Íslandi í öðrum leik sínum á EM. Fyrsti leikur Svisslendinga á mótinu er á móti Noregi en íslenska liðið mætir Finnum í fyrsta leik.