Sigur­jón kjörinn for­seti Al­þjóða kraft­lyftinga­sam­bandsins

RÚV greindi fyrst frá. Sigurjón hafði áður gegnt hlutverki varaforseta sambandsins en var í dag formlega kjörinn forseti eftir að hafa gegnt því embætti frá því í maí þegar Gaston Parage, forveri Sigurjóns, hætti störfum.

Ofan á það hefur hann verið formaður aganefndar Alþjóða kraftlyftingasambandsins sem og sinnt formennsku lyfjanefndar.

Sigurjón hefur komið víða við á sviði íþrótta. Hann var formaður Kraftlyftingarsambands Íslands, hefur fengið Heiðurskross Íþrótta- og Ólympíusambands Íslands, Gullmerki HSÍ og þá var hann tekinn inn í heiðurshöll sambandsins árið 2021.