Rúnar látinn fara frá Leipzig

Í yfirlýsingu félagsins segir að þrátt fyrir góða byrjun í vetur hafi liðið verið á niðurleið síðustu misseri og því hefði verið ákveðið að byrja upp á nýtt með nýjum þjálfara. Rúnari eru svo þökkuð fyrir góð störf í þágu félagsins.

Rúnar tók mjög óvænt við liðinu tímabundið í nóvember árið 2022. Undir stjórn Rúnars tók liðið mikinn kipp og hann fékk í kjölfarið fastráðningu til næstu ára.

Á síðustu leiktíð hafnaði liðið í áttunda sæti þýsku úrvalsdeildarinnar en náði ekki að fylgja því eftir í vetur.

Mikil meiðsli höfðu þar klárlega áhrif og ekki hjálpaði til er liðið ákvað að selja Viggó Kristjánsson til Erlangen en Viggó var lykilmaður hjá Leipzig.

Niðurstaðan varð því þrettánda sæti í átján liða deild.

Andri Már, sonur Rúnars, er á mála hjá Leipzig og er með samning þar áfram.