Handbolti

Arnór Atla valinn þjálfari ársins

Óskar Ófeigur Jónsson skrifar
Arnór Atlason er að stimpla sig vel inn sem þjálfari í danska handboltanum.
Arnór Atlason er að stimpla sig vel inn sem þjálfari í danska handboltanum. Getty/Frank Molter

Arnór Atlason var í dag valinn besti þjálfari ársins í danska karlahandboltanum en hann hefur gert mjög góða hluti með lið TTH Holstebro á þessu tímabili.

Danska handboltasambandið segir frá útnefningu íslenska þjálfarans á miðlum sínum.

Holstebro er á leið í oddaleik um bronsverðlaunin eftir naumt tap á móti GOG í dag.

Arnór er á öðru ári með liðið en það hefur tekið miklum framförum á milli tímabila og gerði síðan enn betur í úrslitakeppninni heldur en í deildarkeppninni.

Í fyrra var Holstebro í ellefta sæti í deildinni en í sjöunda sætinu í ár. Liðið komst síðan í undanúrslitin eftir úrslitakeppnina.

Arnór fékk 18,5 prósent atkvæða í kosningunni en næstir á eftir honum voru Jacob Vinholt (Grindsted GIF Håndbold), Mathias Albrektsen (Skive fH) og Niels Agesen (Mors-Thy Håndbold).

Það eru þjálfarar deildarinnar, þjálfarar B-deildarliðanna og þjálfara allra landsliða Dana sem hafa atkvæðisrétt í kjörinu.

Danski handboltinn

Mest lesið


Fleiri fréttir

Sjá meira


×

Mest lesið