Norð­menn tryggðu sér annað sætið með sigri í Sviss

Noregur sótti 1-0 sigur til Sviss. Sigur norska liðsins þýðir að íslenska landsliðinu hefði ekki dugað að vinna Frakka á Laugardalsvellinum í kvöld.

Norska liðið endar með átta stig eða fjórum stigum meira en íslenska liðið. Liðin töpuðu jafnmörgum leikjum (2) en íslenska liðið náði ekki að vinna leik í keppninni.

Eina mark leiksins skoraði Vilde Böe Risa strax á fjórðu mínútu eftir stoðsendingu frá Guro Reiten.

Þetta var fyrsti sigur norsku stelpnanna í Þjóðadeildini síðan liðið vann fyrri leikinn á móti Sviss í febrúar.

Svissnesku stelpurnar enda í neðsta sæti riðilsins og eru fallnar í B-deild. Íslensku stelpurnar enduðu í þriðja sæti og fara í umspil um áframhaldandi sæti í A-deildinni.