Enski boltinn

Rauðu djöflarnir stað­festa kaup á Cunha

Runólfur Trausti Þórhallsson skrifar
Orðinn leikmaður Man United.
Orðinn leikmaður Man United. Robbie Jay Barratt/Getty Images

Matheus Cunha er orðinn leikmaður Manchester United svo lengi sem hann fái áframhaldandi landvistarleyfi og félagið fái að skrá hann í sínar raðir. Þetta kemur fram í tilkynningu Man Utd.

Á sunnudag greindi Man Utd frá því að Cunha væru fyrstu kaup sumarsins. Í stuttri yfirlýsingu félagsins segir að þessi 26 ára gamli sóknarþenkjandi leikmaður sem á 13 A-landsleiki fyrir Brasilíu hafi spilað 270 leiki í efstu deildum Englands, Þýskalands, Spánar og Sviss. 

Í leikjunum 270 hefur hann svo skorað 72 mörk. Þar af voru 15 fyrir Úlfanna á nýafstaðinni leiktíð ensku úrvalsdeildarinnar.

Alls spilaði Cunha 92 leiki fyrir Úlfana frá því hann gekk í raðir félagsins snemma árs 2023. Hann var á láni hjá félaginu fyrsta hálfið árið og eftir það keyptu Úlfarnir leikmanninn frá Atlético Madríd. Alls skoraði hann 33 mörk í ensku úrvalsdeildinni í treyju Úlfanna.

Man United endaði í 15. sæti ensku úrvalsdeildarinnar á nýafstaðinni leiktíð.




Fleiri fréttir

Sjá meira


×