Innlent

Lengri opnunar­tímar sund­lauga taka gildi

Silja Rún Sigurbjörnsdóttir skrifar
Laugardalslaug er meðal þeirra sundlauga sem verður opin til tíu um helgar í sumar.
Laugardalslaug er meðal þeirra sundlauga sem verður opin til tíu um helgar í sumar. Vísir/Vilhelm

Lengdur opnunartími um helgar í sundlaugum Reykjavíkurborgar tekur gildi sunnudaginn 1. júní. Opnunartíminn hefur verið lengdur um eina klukkustund yfir sumartímann.

Nú verður opið í sundlaugum höfuðborgarinnar til klukkan tíu laugardags- og sunnudagskvöld. Þessi breytinga á þó ekki við í Klébergslaug á Kjalarnesi. Hún verður opin frá klukkan tíu til sex. Þessi breyting er í gildi til 31. ágúst næstkomandi.

Þessi breyting er í samræmi við opnunartíma lauganna áður fyrr sem var til tíu. Sá tími var hins vegar styttur í apríl árið 2024, foreldrum ungmenna til mikillar undrunar. Ástæðan fyrir styttingunni var sögð vera til að spara fé.

Menningar- og íþróttaráð Reykjavíkurborgar samþykkti tillögu um breytinguna í apríl síðastliðinn og nemur kostnaður auka klukkutímans um sjö milljónum króna. 

Tekið var mið af lögfestum útivistartíma barna og ungmenna í ákvörðuninni um lengingu opnunartímans.

Sundlaugar og baðlón Reykjavík

Mest lesið


Fleiri fréttir

Sjá meira


×

Mest lesið