Sjóð­heitar skvísur í ís­lenskri hönnun

Fjölmörg kunnugleg andlit létu sjá sig og klæddust nýjustu sumarlínu Yeoman, þar á meðal voru Birgitta Líf , Ástrós Trausta, Fanney Ingvars, Berglind Festival, Brynja Dan, Svandís Dóra og Chanel Björk.

DJ Dóra Júlía sá um að halda upp tónlistarstuðinu, ásamt lifandi tónlistarflutningi frá hljómsveitinni Cyber. Gestir og gangandi skemmtu sér konunglega og tóku virkan þátt í gleðinni.

Nýja Kokomo-línan endurspeglar bæði gylltan ljóma suðrænnar paradísar og miðnætursólina á Íslandi. Hún færir þér hlýju, litadýrð og ómótstæðilegan sumaranda. 

Hildur hefur klætt fjöldann allan af áhugaverðum konum sem standa margar hverjar fremstar meðal jafningja á heimsvísu, m.a. Taylor Swift, Laufey, Kehlani, Ashley Graham og Björk. Hildur hannar föt fyrir konur af öllum stærðum og gerðum og leggur metnað í að skapa umhverfi sem rúmar alla. Fyrirtæki Hildar Yeoman er rekið af konum og hefur kraftur kvenna verið órjúfanlegur þáttur í hönnun Hildar frá upphafi.

Eygló Gísladóttir ljósmyndari fangaði stemninguna í sólinni.