Nýr páfi, svik við al­menning og loðnasti starfs­maður Rima­skóla

Hvítur reykur steig upp frá strompi sixtínsku kapellunnar síðdegis í dag. Við sjáum nýjan og jafnframt fyrsta bandaríska páfann í kvöldfréttum og myndir frá gríðarlegum fagnaðarlátum sem brutust út við Vatíkanið.

Ógn gegn Noregi hefur aldrei verið meiri en nú. Stjórnvöld þar í landi kynntu í dag sérstaka þjóðaröryggisstefnu og hvetur forsætisráðherrann landa sína að vera viðbúna átökum. Við ræðum við yfirmann njósnadeildar norsku lögreglunnar sem staddur er hér á landi.

Þá kynnum við okkur nýja könnun sem sýnir að áhugi á loftslagsmálum hefur hríðfallið, hittum nýjan starfsmann Rimaskóla, sem er jafnframt sá loðnasti og krúttlegasti og kíkjum á íslenska skálann á Feneyjartvíæringnum í arkitektúr.

Þá hittum við markmanninn Frederik Schram sem er mættur aftur til Vals eftir stutt stopp í Danmörku og í Íslandi í dag kíkir Vala Matt í heimsókn til konu sem hefur sérhæft sig í skipulagi heimilisins.

Kvöldfréttir Stöðvar 2 má sjá í heild sinni hér að neðan: