Halla og Biden hittust í út­för páfans

Halla Tómasdóttir var viðstödd útför páfans ásamt tveimur öðrum fulltrúum Íslands, Þorgerði Katrínu utanríkisráðherra og Einari Gunnarssyni sendiherra.

Halla minntist Frans páfa á dögunum og sagði hún þá að heimurinn hefði misst mikilvægan leiðtoga sem ávallt hafði kærleika og umhyggju fyrir þeim sem minnst mega sín í fyrirrúmi.

Joe Biden minntist páfans einnig í færslu á dögunum þar sem hann sagði Frans páfa hafa verið frábrugðin öllum sem hefðu á undan honum komið.

Hann hafi verið einn áhrifamesti leiðtogi undanfarinna ára og kvaðst Biden þakklátur að hafa fengið að kynnast honum.