Viðar Örn og Sylvía Rós eiga von á barni

Parið greinir frá gleðitíðindunum í sameiginlegri færslu á Instagram.

„Lítið kríli á leiðinni í október,“ skrifa þau við færsluna og deila mynd af hvítri samfellu, litlum skóm, blómvendi og sónarmyndum.

Nokkur aldursmunur er á parinu eða um þrettán ár. Viðar er fæddur árið 1990 og Sylvía árið 2003.

Viðar Örn spilar með bikarmeisturum KA í Bestu deildinni en hann á langan og farsælan feril að baki í boltanum. Viðar hefur meðal annars spilað í Noregi, Svíþjóð, Kína, Ísrael og Rússlandi. Hann hefur einnig spilað 32 landsleiki fyrir Ísland.