Anna­samur sólar­hringur hjá björgunar­sveit Pat­reks­fjarðar

Klukkan tvö í nótt fór skipið með hafnsögumanni (lóðs) um borð til móts við flutningaskipið Grinna, en skipstjóri þess treysti sér ekki til að sigla skipinu inn án aðstoðar lóðs sökum veðurs.

„Verða lóðs um borð varð þó ekki til hjálpar, og lónaði skipið fyrir utan Patreksfjarðarhöfn en Vörður hélt í land og var lagstur að bryggju upp úr þrjú í nótt,“ segir í tilkynningu Landsbjargar.

Grinna hafi svo komist að bryggju í morgun.

Um hálfum sólarhring síðar var áhöfnin aftur kölluð út vegna snurvoðarbáts í mynni Patreksfjarðar. Sá hafði fengið veiðarfæri í skrúfuna og komst hvergi.

„Rétt fyrir klukkan fjögur í dag var búið að koma taug á milli skipanna og stefnan sett inn til Patreksfjarðar þangað sem skipin eru væntanleg rétt upp úr klukkan fimm.“