Savehof vann eins marks sigur, 28-27, gegn Hammarby. Línumaðurinn Tryggvi Þórisson er leikmaður Savehof og gaf eina stoðsendingu, ásamt því að líta gult spjald, í leiknum.
Savehof endaði í fimmta sæti deildarinnar og mun mæta Karlskrona í fyrstu umferð úrslitakeppninnar.
Ólafur Andrés Guðmundsson og Dagur Sverrir Kristjánsson eru leikmenn Karlskrona, sem vann 33-25 útisigur gegn Amo í kvöld. Ólafur skoraði tvö mörk og Dagur eitt.
Arnar Birkir Hálfdánarson skoraði fimm mörk fyrir Ano, sem er á leið í umspil upp á að halda sæti sínu í deildinni.
Öll úrslit úr lokaumferð sænsku úrvalsdeildarinnar og sæti liðanna í deildinni:
Amo (12.) – Karlskrona (4.) 25-33
Savehof (5.) – Hammarby (7.) 28-27
AHK (9.) – Helsingborg (6.) 34-29
Guif (13.) – Kristianstad (2.) 29-35
Skövde (10.) – Hallby (8.) 21-17
Önnered (11.) – Skanela (14.) 32-29
Ystad (1.) – Malmö (3.) 41-26
