„Sóttvarnarhópur HSA hefur hafið vinnu við smitrakningu og aðrar lýðheilsuaðgerðir að ráðleggingum og í samvinnu við sóttvarnarlækni,“ stendur í tilkynningu frá Heilbrigðisstofnun Austurlands.
Berklar eru bakteríusýking sem berst milli manna með loftbornu smiti en smitin berast í flestum tilvikum aðeins ef samskiptin eru náin. Helstu einkenni eru til að mynda hiti, hósti, litaður uppgangur, slappleiki og þyngdartap.
Samkvæmt Heilsuveru greinast nokkur berklasmit árlega á Íslandi.
