Handbolti

Elliði marka­hæstur í stór­sigri Gummersbach

Óskar Ófeigur Jónsson skrifar
Elliði Snær Viðarsson var öflugur í þýska handboltanum í kvöld.
Elliði Snær Viðarsson var öflugur í þýska handboltanum í kvöld. VÍSIR/VILHELM

Íslendingaliðið Gummersbach átti ekki í miklum vandræðum með SG BBM Bietigheim í þýsku úrvalsdeildinni í handbolta í kvöld.

Lærisveinar Guðjón Vals Sigurðssonar unnu að lokum tíu marka sigur, 37-27, eftir að hafa verið átta mörkum yfir í hálfleik, 21-13.

Eyjamaðurinn Elliði Snær Viðarsson var markahæstur í liði Gummersbach með sex mörk en hann nýtti 86 prósent skota sinna í leiknum.

Miro Schluroff skoraði sex mörk eins og Elliði en hann átti einnig fjórar stoðsendingar.

Teitur Örn Einarsson gat ekki spilað leikinn vegna meiðsla.

Þetta var þriðji deildarsigur Gummersbach í röð og sá fjórði í síðustu fimm leikjum.

Eftir að þessi tvö stig komu í hús þá er Gummersbach í áttunda sæti deildarinnar með 24 stig, einu stigi frá sjöunda sætinu.

Þýski handboltinn

Mest lesið


Fleiri fréttir

Sjá meira


×

Mest lesið