Lífið

Pamela Bach-Hasselhof látin

Oddur Ævar Gunnarsson skrifar
David Hasselhoff og Pamela Bach á Golden Globe verðlaunahátíðinni árið 1998.
David Hasselhoff og Pamela Bach á Golden Globe verðlaunahátíðinni árið 1998. Bob Riha, Jr/Getty Images

Bandaríska leikkonan Pamela Bach-Hasselhof er látin. Hún fannst látin á heimili sínu í Los Angeles sínu fyrr í dag. Hún var 62 ára gömul.

Bandaríski slúðurmiðillinn TMZ greinir frá. Þar segir að lögregla telji að leikkonan hafi fallið fyrir hendi. Lögreglumenn fóru að heimili hennar eftir að fjölskylda hafði samband, þar sem þau höfðu ekki heyrt frá henni í nokkurn tíma.

Bach-Hasselhof birtist í fyrsta sinn á hvíta tjaldinu í kvikmyndinni Rumble Fish eftir Francis Ford Coppola árið 1983. Hún lék svo í hinum ýmsu sjónvarpsþáttum og er þekktust fyrir hlutverk sitt í Baywatch þar sem hún fór með hlutverk Kaye Morgan í tíu ár.

Hún kynntist David Hasselhoff á setti þáttanna sama ár og giftu þau sig strax þetta ár. Þau skildu svo að borði og sæng árið 2006. Við tóku miklar fjárhagslegar deilur þeirra á milli sem lauk ekki fyrr en árið 2017. Bach-Hasselhof lætur eftir sig tvær dætur, dætur þeirra David Hasselhoff, þær Taylor og Hayler.

Í þessari grein er fjallað um sjálfsvíg. Fólki með sjálfsvígshugsanir er bent á upplýsingasíma heilsugæslunnar s.1700, netspjallið heilsuvera.is, Hjálparsíma Rauða krossins s.1717, á netspjallið 1717.is og á Píeta símann s.552-2218. Þau sem misst hafa ástvin í sjálfsvígi er bent á stuðning í Sorgarmiðstöð s. 551-4141, upplýsingasíma heilsugæslunnar s.1700, netspjallið heilsuvera.is og á Píeta símann s.552-2218.

Andlát Hollywood Bandaríkin Bíó og sjónvarp

Tengdar fréttir

David Hasselhoff í vanda

Fyrrverandi eiginkona Davids Hasselhoff, Pamela Bach, hefur beðið aðdáendur og vini leikarans um að leggjast á eitt og fá Strandvarðargoðsögnina til að setja tappann í flöskuna. Hasselhoff og Bakkus hafa lengi eldað grátt silfur saman og hann virðist eiga erfitt með að láta vínið í friði, ef marka má orð fyrrverandi eiginkonu hans í bandarískum fjölmiðlum.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.