Hefur Amorim bætt Man United?

Það þarf engan sérfræðing til að reikna út að frammistaða Man United á yfirstandandi leiktíð í ensku úrvalsdeild karla í knattspyrnu hefur verið arfaslök. Skiptir litlu máli hvort horft sé í frammistöðuna undir stjórn Erik ten Hag eða Rúben Amorim.

The Athletic veltir því hins vegar fyrir sér hvort spilamennska Rauðu djöflanna hafi batnað þar sem Amorim var ráðinn vegna hugmyndafræði sinnar og leikstíls, svipað og Ten Hag á sínum tíma.

Til þessa hefur það í raun verið það eina sem hefur sjáanlega breyst. Það er að liðið er hætt að spila 4-3-3 eða 4-2-3-1 og spilar þess í stað 3-4-2-1 leikkerfi með enga kantmenn. Tölfræði liðsins er hins vegar nokkuð svipuð ef horft er á deildarleiki undir stjórn Ten Hag (9) og svo Amorim (15).

Það er ljóst að tölfræðin er í grunninn mjög svipuð og því ekki beint hægt að sjá mikinn mun á liðinu undir stjórn Ten Hag og Amorim. Hér að neðan má sjá The Athletic fara betur í saumana á frammistöðu Man United á leiktíðinni.

Næsti leikur Man United er á morgun, sunnudag, þegar liðið fær Fulham í heimsókn í ensku bikarkeppninni. Leikurinn hefst klukkan 16.30 og er sýndur beint á Vodafone Sport.