Dagmar ofuramma og heimsmethafi: „Maður springur bara út“ Aron Guðmundsson skrifar 21. febrúar 2025 07:32 Dagmar hress með bollann sinn litskrúðuga á æfingu kraftlyftingafélagsins í World Class á Seltjarnarnesi Vísir/Sigurjón Dagmar Agnarsdóttir er engin venjuleg amma. Hún sneri heim til Íslands af Evrópumóti í kraftlyftingum á dögunum með gullverðlaun og þremur heimsmetum ríkari. Barnabörnin máta vöðvana sína við hennar og eru stolt af því að eiga þessa ofur ömmu. Dagmar hefur stundað kraftlyftingar nær óslitið frá árinu 2013. „Ég var í ballett þegar að ég var lítil stelpa en á engan íþróttaferil að baki. Ég byrjaði á þessu árið 2013 þegar að stelpurnar mínar drógu mig upp úr sófanum og sögðu við mig: „Mamma nú kemur þú með okkur í lyftingar,“ svo hættu þær seinna meir. Önnur þeirra flutti til útlanda og hin varð ólétt. Ég bara hélt áfram. Ég verð 73 ára þann 14.mars næstkomandi og ég held þetta sé mjög góð ákvörðun sem ég tók þarna að fara í þetta af fullum krafti. Þetta er bara skemmtilegt og svo er ég með góðan þjálfara, hann passar upp á mann. Að maður geri hlutina rétt og fer ekki með mann í einhverja vitleysu.“ Hvað er það við kraftlyftingarnar sem heillar og er svona gott? „Ég get sagt þér að þetta er þvílík gleði og er sálarlegt líka. Maður þarf kannski ekki að fara til sálfræðings þegar að maður er í kraftlyftingum. Þetta er bara rosalega gott fyrir sál og líkama.“ Auk þess að stunda kraftlyftingar af miklum móð er Dagmar listmálari, góð blanda segir hún og árangur hennar í kraftlyftingunum talar sínu. Kom, sá og sigraði í Frakklandi Dagmar er nýkomin af Evrópumóti öldunga í kraftlyftingum sem haldið var í Albi í Frakklandi í þetta skipti. Þar átti hún frábært mót, sló samtals sex heimsmet og er nú þrefaldur heimsmethafi. Árangur Dagmarar á EM í kraftlyftingum: - Setti heimsmet í hnébeygju í sínum flokki þrisvar sinnum - Í réttstöðulyftu sló hún heimsmet í síðustu lyftu sinni þar sem að hún lyfti 125,5 kílóum. - Sló heimsmetið í samanlögðum árangri tvívegis. - Dagmar er því ríkjandi heimsmethafi í sínum flokki í hnébeygju, réttstöðulyftu og samanlögðum árangri. - Hún vann til gullverðlauna í öllum greinum og varð í fyrsta sæti í samanlögðum árangri í sínum flokki. „Mótið var frábært. Alveg dásamlegt. Tvö lítil barnabörn komu með og hin tvö horfðu á héðan frá Íslandi. Það var svo dásamlegt að geta gert þetta fyrir þau fannst mér. Og líka fyrir mig en ég vissi svo sem ekkert hvað ég væri að fara lyfta. Vissi ekki að ég væri að slá einhver met. Þjálfarinn minn segir mér bara hvað ég eigi að gera og ég gegni bara. Svona yfirleitt alltaf. Dætur mínar höfðu látið búa til peysur sem á stóð TEAM Dagmar og ég hafði ekki hugmynd um það. Þau voru all-in eins og maður segir á slæmri íslensku.“ Bónusinn, að ná þessum heimsmetum, hlýtur að vera ansi sætur? „Já hann var mjög góður en ég vissi ekki af þessum heimsmetum fyrr en seinna um kvöldið. Ég var ekkert að spá í þessu þannig, þetta var mjög skemmtilegt.“ Gleðin sem Dagmar fær út úr því að stunda þessa íþrótt er henni mikilvægari en met. „Það er mjög gaman ef það er árangur en ég er ekkert að pæla í þessum tölum sem ég á að lyfta, hugsa ekki út í það. Svo legg ég það heldur ekkert á minnið.“ Barnabörnin montin Hvað segja barnabörnin þegar að þau sjá ömmu sína sem þessa kraftakonu? „Strákurinn, 6 ára, er alltaf að máta og sýna mér vöðvana sína og láta mig sýna honum vöðvana mína. Ég held að þau séu bara mjög glöð með þetta.“ En það eru eflaust ekki margir á 73 ára aldri sem eru að þessu? „Ég bara veit það ekki. Ég þekki ekki marga en svo veit maður ekki. Það geta alltaf verið einhverjir sem stunda þetta í felum.“ „Ég ætla bara að halda áfram“ En hver er lykillinn að því að geta gert þetta á þessum aldri? Gleðin skín í gegn hjá Dagmar í kraftlyftingunumMYND: EPF „Þú ert með góðan þjálfara. Svo borðar maður bara rétt. Ég borða allan mat fyrir utan unna matvöru og er ekkert sérstaklega að pæla í því hvað ég borða. Ég borða bara góðan mat og helst frá grunni. Svo er það kannski í genunum líka, að geta lyft þungu. En ég held að þetta komi hjá öllum. Þú byrjar með eitthvað létt og smám saman eykst styrkurinn. Svo gerist þetta bara.“ Maður sér það svo bersýnilega þegar að þú ert að lyfta sem og eftir lyftu hvað það er mikil gleði í þessu. „Maður springur bara út. Maður er svo glaður að geta gert eitthvað og staðið sig. Það er rosaleg gleði sem fylgir þessu.“ Hversu lengi ætlarðu að halda þessu áfram? „Ég ætla bara að halda áfram,“ segir Dagmar og hlær, mikil fyrirmynd þessi öfluga kona. Kraftlyftingar Mest lesið Heimir uppskar hrossahlátur: „Sagði ekki farið til fjandans“ Fótbolti Skrifar undir fimm ára samning við Liverpool Enski boltinn Fyrirliði Man. Utd íhugar alvarlega risatilboð frá Sádi-Arabíu Enski boltinn Palestína gæti komist á HM þrátt fyrir að vera ekki viðurkennt fullvalda ríki Fótbolti Öll mörkin í Bestu: Stjarnan tætti KR í sig og ÍA valtaði yfir Blika Íslenski boltinn Bjarki var næstum því farinn í Val áður en gullöld ÍA hófst Íslenski boltinn „Þá leið mér frekar illa eftir leik“ Fótbolti Trent með á HM og Liverpool fær væna summu Enski boltinn Þeir bestu (1. sæti): Afrekaði allt Íslenski boltinn Fyrrum leikmaður Liverpool að ganga í raðir Stjörnunnar Íslenski boltinn Fleiri fréttir Tilkynnti að hún yrði mamma fyrir stórleikinn við Ísland í kvöld Keypti aðstoð frá norn til að hjálpa Knicks KR-ingar alveg týndir: „Bara eins og þegar ég er einn heima“ Hamilton segir sögusagnir um ósætti vera þvaður Trent með á HM og Liverpool fær væna summu Skrifar undir fimm ára samning við Liverpool Fyrirliði Man. Utd íhugar alvarlega risatilboð frá Sádi-Arabíu Bjarki var næstum því farinn í Val áður en gullöld ÍA hófst Öll mörkin í Bestu: Stjarnan tætti KR í sig og ÍA valtaði yfir Blika Heimir uppskar hrossahlátur: „Sagði ekki farið til fjandans“ Knicks héldu sér á lífi Palestína gæti komist á HM þrátt fyrir að vera ekki viðurkennt fullvalda ríki Dagskráin í dag: Formúla 1 og golf Eitt Íslandsmet og þrjú gullverðlaun Sér á eftir Earps en vill ekki ræða hvað fór þeirra á milli Kaupa Delap og eru í viðræðum við Sancho „Þá leið mér frekar illa eftir leik“ „Eitthvað sem er í vinnslu og gerist kannski“ Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk Gamla brýnið Allegri tekur við AC Milan Melsungen tapaði toppslagnum „Ef menn leggja sig fram og standa sig vel þá er alltaf stutt í byrjunarliðið” „Það má ekki fagna of mikið“ Fyrrum leikmaður Liverpool að ganga í raðir Stjörnunnar „Lið mega varla komast inn í teig án þess að skora“ Uppgjörið: Breiðablik - ÍA 1-4 | Skagamenn völtuðu yfir Blika „Fannst Víkingarnir ekki eiga skilið neitt út úr þessum leik“ „Unnum klárlega baráttuna í leiknum“ FC Kaupmannahöfn vann tvöfalt Tókst ekki verja titilinn í vítaspyrnukeppni Sjá meira
Dagmar hefur stundað kraftlyftingar nær óslitið frá árinu 2013. „Ég var í ballett þegar að ég var lítil stelpa en á engan íþróttaferil að baki. Ég byrjaði á þessu árið 2013 þegar að stelpurnar mínar drógu mig upp úr sófanum og sögðu við mig: „Mamma nú kemur þú með okkur í lyftingar,“ svo hættu þær seinna meir. Önnur þeirra flutti til útlanda og hin varð ólétt. Ég bara hélt áfram. Ég verð 73 ára þann 14.mars næstkomandi og ég held þetta sé mjög góð ákvörðun sem ég tók þarna að fara í þetta af fullum krafti. Þetta er bara skemmtilegt og svo er ég með góðan þjálfara, hann passar upp á mann. Að maður geri hlutina rétt og fer ekki með mann í einhverja vitleysu.“ Hvað er það við kraftlyftingarnar sem heillar og er svona gott? „Ég get sagt þér að þetta er þvílík gleði og er sálarlegt líka. Maður þarf kannski ekki að fara til sálfræðings þegar að maður er í kraftlyftingum. Þetta er bara rosalega gott fyrir sál og líkama.“ Auk þess að stunda kraftlyftingar af miklum móð er Dagmar listmálari, góð blanda segir hún og árangur hennar í kraftlyftingunum talar sínu. Kom, sá og sigraði í Frakklandi Dagmar er nýkomin af Evrópumóti öldunga í kraftlyftingum sem haldið var í Albi í Frakklandi í þetta skipti. Þar átti hún frábært mót, sló samtals sex heimsmet og er nú þrefaldur heimsmethafi. Árangur Dagmarar á EM í kraftlyftingum: - Setti heimsmet í hnébeygju í sínum flokki þrisvar sinnum - Í réttstöðulyftu sló hún heimsmet í síðustu lyftu sinni þar sem að hún lyfti 125,5 kílóum. - Sló heimsmetið í samanlögðum árangri tvívegis. - Dagmar er því ríkjandi heimsmethafi í sínum flokki í hnébeygju, réttstöðulyftu og samanlögðum árangri. - Hún vann til gullverðlauna í öllum greinum og varð í fyrsta sæti í samanlögðum árangri í sínum flokki. „Mótið var frábært. Alveg dásamlegt. Tvö lítil barnabörn komu með og hin tvö horfðu á héðan frá Íslandi. Það var svo dásamlegt að geta gert þetta fyrir þau fannst mér. Og líka fyrir mig en ég vissi svo sem ekkert hvað ég væri að fara lyfta. Vissi ekki að ég væri að slá einhver met. Þjálfarinn minn segir mér bara hvað ég eigi að gera og ég gegni bara. Svona yfirleitt alltaf. Dætur mínar höfðu látið búa til peysur sem á stóð TEAM Dagmar og ég hafði ekki hugmynd um það. Þau voru all-in eins og maður segir á slæmri íslensku.“ Bónusinn, að ná þessum heimsmetum, hlýtur að vera ansi sætur? „Já hann var mjög góður en ég vissi ekki af þessum heimsmetum fyrr en seinna um kvöldið. Ég var ekkert að spá í þessu þannig, þetta var mjög skemmtilegt.“ Gleðin sem Dagmar fær út úr því að stunda þessa íþrótt er henni mikilvægari en met. „Það er mjög gaman ef það er árangur en ég er ekkert að pæla í þessum tölum sem ég á að lyfta, hugsa ekki út í það. Svo legg ég það heldur ekkert á minnið.“ Barnabörnin montin Hvað segja barnabörnin þegar að þau sjá ömmu sína sem þessa kraftakonu? „Strákurinn, 6 ára, er alltaf að máta og sýna mér vöðvana sína og láta mig sýna honum vöðvana mína. Ég held að þau séu bara mjög glöð með þetta.“ En það eru eflaust ekki margir á 73 ára aldri sem eru að þessu? „Ég bara veit það ekki. Ég þekki ekki marga en svo veit maður ekki. Það geta alltaf verið einhverjir sem stunda þetta í felum.“ „Ég ætla bara að halda áfram“ En hver er lykillinn að því að geta gert þetta á þessum aldri? Gleðin skín í gegn hjá Dagmar í kraftlyftingunumMYND: EPF „Þú ert með góðan þjálfara. Svo borðar maður bara rétt. Ég borða allan mat fyrir utan unna matvöru og er ekkert sérstaklega að pæla í því hvað ég borða. Ég borða bara góðan mat og helst frá grunni. Svo er það kannski í genunum líka, að geta lyft þungu. En ég held að þetta komi hjá öllum. Þú byrjar með eitthvað létt og smám saman eykst styrkurinn. Svo gerist þetta bara.“ Maður sér það svo bersýnilega þegar að þú ert að lyfta sem og eftir lyftu hvað það er mikil gleði í þessu. „Maður springur bara út. Maður er svo glaður að geta gert eitthvað og staðið sig. Það er rosaleg gleði sem fylgir þessu.“ Hversu lengi ætlarðu að halda þessu áfram? „Ég ætla bara að halda áfram,“ segir Dagmar og hlær, mikil fyrirmynd þessi öfluga kona.
Árangur Dagmarar á EM í kraftlyftingum: - Setti heimsmet í hnébeygju í sínum flokki þrisvar sinnum - Í réttstöðulyftu sló hún heimsmet í síðustu lyftu sinni þar sem að hún lyfti 125,5 kílóum. - Sló heimsmetið í samanlögðum árangri tvívegis. - Dagmar er því ríkjandi heimsmethafi í sínum flokki í hnébeygju, réttstöðulyftu og samanlögðum árangri. - Hún vann til gullverðlauna í öllum greinum og varð í fyrsta sæti í samanlögðum árangri í sínum flokki.
Kraftlyftingar Mest lesið Heimir uppskar hrossahlátur: „Sagði ekki farið til fjandans“ Fótbolti Skrifar undir fimm ára samning við Liverpool Enski boltinn Fyrirliði Man. Utd íhugar alvarlega risatilboð frá Sádi-Arabíu Enski boltinn Palestína gæti komist á HM þrátt fyrir að vera ekki viðurkennt fullvalda ríki Fótbolti Öll mörkin í Bestu: Stjarnan tætti KR í sig og ÍA valtaði yfir Blika Íslenski boltinn Bjarki var næstum því farinn í Val áður en gullöld ÍA hófst Íslenski boltinn „Þá leið mér frekar illa eftir leik“ Fótbolti Trent með á HM og Liverpool fær væna summu Enski boltinn Þeir bestu (1. sæti): Afrekaði allt Íslenski boltinn Fyrrum leikmaður Liverpool að ganga í raðir Stjörnunnar Íslenski boltinn Fleiri fréttir Tilkynnti að hún yrði mamma fyrir stórleikinn við Ísland í kvöld Keypti aðstoð frá norn til að hjálpa Knicks KR-ingar alveg týndir: „Bara eins og þegar ég er einn heima“ Hamilton segir sögusagnir um ósætti vera þvaður Trent með á HM og Liverpool fær væna summu Skrifar undir fimm ára samning við Liverpool Fyrirliði Man. Utd íhugar alvarlega risatilboð frá Sádi-Arabíu Bjarki var næstum því farinn í Val áður en gullöld ÍA hófst Öll mörkin í Bestu: Stjarnan tætti KR í sig og ÍA valtaði yfir Blika Heimir uppskar hrossahlátur: „Sagði ekki farið til fjandans“ Knicks héldu sér á lífi Palestína gæti komist á HM þrátt fyrir að vera ekki viðurkennt fullvalda ríki Dagskráin í dag: Formúla 1 og golf Eitt Íslandsmet og þrjú gullverðlaun Sér á eftir Earps en vill ekki ræða hvað fór þeirra á milli Kaupa Delap og eru í viðræðum við Sancho „Þá leið mér frekar illa eftir leik“ „Eitthvað sem er í vinnslu og gerist kannski“ Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk Gamla brýnið Allegri tekur við AC Milan Melsungen tapaði toppslagnum „Ef menn leggja sig fram og standa sig vel þá er alltaf stutt í byrjunarliðið” „Það má ekki fagna of mikið“ Fyrrum leikmaður Liverpool að ganga í raðir Stjörnunnar „Lið mega varla komast inn í teig án þess að skora“ Uppgjörið: Breiðablik - ÍA 1-4 | Skagamenn völtuðu yfir Blika „Fannst Víkingarnir ekki eiga skilið neitt út úr þessum leik“ „Unnum klárlega baráttuna í leiknum“ FC Kaupmannahöfn vann tvöfalt Tókst ekki verja titilinn í vítaspyrnukeppni Sjá meira