Örn skipaður lands­bóka­vörður

Í tilkynningu á vef Stjórnarráðs Íslands segir að Örn muni taka við starfi landsbókavarðar um næstu mánaðarmót samhliða því að Ingibjörg Steinunn Sverrisdóttir fer á eftirlaun eftir langan og farsælan feril við Landsbókasafn Íslands.

Fimmtán sóttu um embættið, sem var auglýst þann 11. október síðastliðinn. Það voru eftirfarandi:

• Esbern Erling Hjelm Kjærbo, yfirbókavörður
• Ghita Oughla, gestgjafi
• Giulia Gallon, safnaleiðsögumaður
• Hrafn Sveinbjarnarson, forstöðumaður
• Joanna Monika Wolanin, gæðaeftirlitsmaður
• Jódís Skúladóttir, verkefnastjóri
• Kristján Óli Níels Sigmundsson, aðstoðarlagerstjóri
• Lísa Zachrison Valdimarsdóttir, forstöðumaður
• Mohammad Iqbal Ependi, starfsnemi
• Pontus Erik Gunnar Jarvstad, háskólakennari
• Rósa Bjarnadóttir, forstöðumaður
• Serkan Mermer, öryggisvörður
• Sigurður Ingólfsson, leiðsögumaður
• Örn Hrafnkelsson, sviðsstjóri

Í tilkynningu segir að Örn sé með B.A. og M.A. próf í sagnfræði og M.P.A. gráðu í opinberri stjórnsýslu frá Háskóla Íslands. Frá árinu 1993 hafi Örn starfað hjá Landsbókasafni Íslands – Háskólabókasafni. Í fyrstu sem bókavörður í þjóðdeild en síðar sem fagstjóri og forstöðumaður handritadeildar. 

Frá árinu 2011 hafi Örn gegnt starfi sviðsstjóra við varðveisludeild Landsbókasafns Íslands – Háskólabókasafns. Örn sé mikill áhugamaður um handritalestur og útgáfu og hafi bæði skrifað fjölda greina þess efnis og erindi.