Morð varpar ljósi á skuggalegan sértrúarsöfnuð Samúel Karl Ólason skrifar 16. febrúar 2025 15:04 Frá vinstri uppi: Jack LaSota, Alexander Leatham og Emma Borhanian. Frá vinstri niðri: Gwen Danielson, Maximilian Snyder og Teresa Youngblut. AP Eftir að bandarískur landamæravörður var skotinn til bana í Vermont í síðasta mánuði hefur tiltölulega fámennur hópur fólks, sem kallaður hefur verið sértrúarsöfnuður, verið bendlaður við að minnsta kosti sex morð í þremur ríkjum Bandaríkjanna. Starfsmenn Alríkislögreglu Bandaríkjanna framkvæmdu húsleit tengda hópnum í Norður-Karólínu í síðustu viku. Þá höfðu aðrir í hverfinu séð fólk í síðum svörtum kápum ganga hönd í hönd um hverfið og nærliggjandi skóga. Þó hópurinn hafi verið bendlaður við svo mörg morð hafa yfirvöld í Bandaríkjunum veitt tiltölulega litlar upplýsingar um hann. AP fréttaveitan hefur fjallað ítarlega um sértrúarsöfnuðinn, sem að mestu er skipaður ungum tölvunarfræðingum sem kynntust upprunalega á netinu. Þar deildu þeir skoðunum sínum um anarkisma og veganisma í tiltölulega stórum hópi en umræðan varð að sögn viðmælenda fréttaveitunnar, opinberra gagna og dómsskjala, sífellt meira ofbeldishneigð. Meðlimir hópsins kalla sig „Zizians“, sem er tilvísun í Ziz, leiðtoga sértrúarsöfnuðsins. Leiðtoginn heitir Jack LaSota en hún notar kvenkyns fornöfn. AP segir LaSota hafa flutt til San Francisco eftir að hafa öðlast gráðu í tölvunarfræði og verið í starfsnámi hjá Geimvísindastofnun Bandaríkjanna (NASA). Jack LaSota eftir að hún var handtekin 23. janúar 2023. Hún neitaði að tala og að opna augun.AP/Héraðssaksóknari Delawar Árið 2016 byrjaði hún að skrifa á bloggsíðu undir nafninu „Ziz“ þar sem hún fjallaði meðal annars um að heilahveli gætu ekki haldið í mismunandi gildi og að mismunandi kyn vildu oft drepa hvort annað. Að endingu mun LaSota hafa myndað nýjan og smærri hóp, úr áðurnefndum hóp á netinu, og tók hún með sér að sögn fréttaveitunnar einstaklega viðkvæma og einangraða fylgjendur. Stungu leigutaka með sverði Sértrúarsöfnuður þessi komst fyrst í kast við lögin í nóvember 2019. Þá var LaSota handtekin ásamt nokkrum öðrum vegna mótmæla í Norður-Karólínu. Sumarið 2022 barst Strandgæslu Bandaríkjanna tilkynning um að LaSota hefði fallið útbyrðis af báti í San Francisco flóa. Lík hennar fannst ekki en móðir hennar staðfesti að hún hefði dáið og birti minningargrein á netinu. Ziz stakk þó fljótt upp kollinum á nýjan leik. Haustið 2022 hafði hún flutt með öðrum úr hópnum í sendiferðabíla á lóð sem var í eigu manns sem heitir Curtis Lind, skammt frá San Francisco. Þegar Lind reyndi að vísa hópnum á brott fyrir að borga ekki leigu kom til átaka. Lind var stunginn með sverði og blindaðist að hluta til en í átökunum skaut hann Emmu Borhanian til bana. Saksóknarar komust að endingu að þeirri niðurstöðu að Lind hafi verið að verja sig en Alex Leatham og Suri Dao voru ákærð fyrir morð og fyrir morðtilraun. Talið er að LaSota hafi verið á vettvangi en hún var ekki handtekin. Lind var myrtur þann 17. janúar síðastliðinn þegar hann var skorinn á háls, skammt frá staðnum þar sem hann var stunginn árið 2022. Maximilian Snyder, sem er 22 ára, var handtekinn fyrir morðið en hann hefur tengsl við konu úr sértrúarsöfnuðinum sem kom að nýlegum skotbardaga þegar áðurnefndur landamæravörður lét lífið. Frá lóðinni þar sem Curtis Lind var myrtur.AP/Janie Har Hjón skotin í höfuðið Á gamlárskvöld 2022 voru hjónin Richard og Rita Zajko, sem tengjast sértrúarsöfnuðinum myrt í Pennsylvaníu. Þau voru skotin til bana á heimili þeirra. Dyrabjöllumyndavél fangaði bíl ekið upp að heimili þeirra og rödd kalla „mamma“. Þá heyrðist önnur rödd segja „Ó, guð minn góður, guð, guð.“ Hjónin fundust látin um morguninn og höfðu bæði verið skotin í höfuðið. Richard og Rita Zajko voru myrt á gamlárskvöld 2022.AP/Ríkislögregla Pennsylvaníu Dóttir þeirra, Michelle Zajko, var yfirheyrð vegna málsins og svo síðar færð í varhald, án þess þó að vera handtekin. Þá var LaSota með henni en hún var handtekin fyrir mótþróa. Sex mánuðum síðar var henni sleppt úr haldi gegn tryggingu en mætti aldrei fyrir dómara eins og henni bar. Hófu skothríð í umferðarstoppi Það var svo þann 20. janúar síðastliðinn þegar landamæraverðir stöðvuðu tvær manneskjur á bíl í Vermont. Þeim hafði borist ábending um að Teresa Youngblut, sem var í bílnum, hefði verið með byssu. Hún ók bílnum og segja yfirvöld að skömmu eftir að bíllinn var stöðvaður hafi hún skotið í átt að landamæravörðunum. Felix Bauckhol, sem er Þjóðverji, var með henni í bílnum en hann féll í skotbardaganum sem fylgdi, ásamt öðrum landamæraveranna sem hét David Maland. Í bílnum fundust nætursjónaukar, hjálmur, skotfæri, talstöðvar og skotmörk. Youngblut særðist og var handtekin. Hún hafði áður sótt um giftingarleyfi með Snyder sem hefur verið ákærður fyrir að myrða Lind. Byssan sem hún notaði mun hafa verið keypt af manneskju sem grunuð er um aðild að morðinu á Zajko-hjónunum. Landamæravörðurinn David Maland.AP/Heimavarnaráðuneyti Bandaríkjanna Gengur enn laus Ekki er vitað hvar LaSota er stödd. Lögmaður hennar vildi ekki svara fyrirspurnum AP og hún hefur ekki mætt í dómstól á skikkuðum tíma í tvö skipti í tveimur mismunandi ríkjum að undanförnu. Búið er að gefa út handtökuskipun á hendur hennar. Youngblut og Baukholt höfðu búið í íbúðunum í Norður-Karólínu sem nefndar eru í upphafi fréttarinnar en eigandi þeirra bar kennsl á LaSota þegar blaðamenn AP sýndu honum mynd. Hún hafði þá búið á svæðinu í vetur. Nágranni sagði meðlimi hópsins hafa sjaldan sést á ferðinni að degi til. Hann hafi einu sinni séð þrjá úr hópnum í svörtum kápum og klæddan í klæðnað sem hann kallaði „taktískan“ sem er til marks um einhverskonar herklæðnað. Nágranninn sagði þau hafa gengið um hverfið og um nærliggjandi skóga á kvöldin. Þau hafi iðulega haldist í hendur og virts annt um hvort annað. Bandaríkin Erlend sakamál Mest lesið Þurfti áfallahjálp þegar flugi til Íslands var hætt Innlent Hótar að svipta Harvardháskóla skattfrelsi Erlent Sjúkdómsvaldandi bakteríur fylgi óböðuðum ferðamönnum Innlent Erlendir vasaþjófar handteknir bæði í höfuðborginni og á Suðurlandi Innlent „Hann kann allt varðandi þriðju vaktina“ Innlent Tveir „galdramenn“ í haldi Innlent Blaðamenn fangelsaðir vegna samstarfs við Navalní Erlent Laumaði sér í vasa ferðamanns og hirti af honum kortin Innlent Mikill meirihluti landsmanna vill ekki íslenskan her Innlent Ríkið selur villu og vill tæpan milljarð Innlent Fleiri fréttir Hótar að svipta Harvardháskóla skattfrelsi Blaðamenn fangelsaðir vegna samstarfs við Navalní Líkir viðurkenningu á Palestínu við „sigur fyrir hryðjuverk“ Kyrrsetja þyrlufyrirtækið eftir banaslysið í New York Kveikti í ríkisstjórasetrinu og ætlaði að berja ríkisstjórann með hamri Frysta milljarða fjárveitingar til að refsa Harvard-háskóla Segir Selenskí ábyrgan fyrir stríðsástandinu Tveir skotnir til bana í Gautaborg Sæðisgjafar hafi feðrað tugi barna í trássi við lög Harvard háskólinn neitar að fylgja skilyrðum Trumps Arkitekt guðs skrefi nær dýrðlingatölu Leiðtogar fordæma mannskæða árás Rússa Neita enn að hleypa AP fréttamönnunum að Breyta stjórnarskránni til að banna gleðigönguna Íslenskir feðgar flugu með þyrlunni nokkrum tímum fyrir slysið Fordæma harkalega árás Rússa á Sumy Yngsti lýðræðislega kjörni þjóðhöfðingi heims endurkjörinn Áfrýjar í von um að geta boðið sig fram til forseta Ísraelsher réðst á sjúkrahús Síðasti stjórnarandstöðuflokkur Hong Kong verður leystur upp Biðja Trump um að sýna hörku vegna vatnsdeilna við Mexíkó Tugir sagðir liggja í valnum eftir eldflaugaárás á Sumy Réðust á síðasta starfandi sjúkrahúsið í Gasaborg Fundi Bandaríkjanna og Íran lýst sem „uppbyggilegum“ Ætla í „öfluga“ yfirtöku á Gasaströndinni Snjallsímar undanskildir tollunum Létt fólk hvatt til að halda sig innandyra til að fjúka ekki Menendez bræðurnir nær frelsinu Skjótasta leiðin að friði að verða við kröfum Rússa Þessi Airbus gæti flogið á íslenskri orku til Oslóar Sjá meira
Starfsmenn Alríkislögreglu Bandaríkjanna framkvæmdu húsleit tengda hópnum í Norður-Karólínu í síðustu viku. Þá höfðu aðrir í hverfinu séð fólk í síðum svörtum kápum ganga hönd í hönd um hverfið og nærliggjandi skóga. Þó hópurinn hafi verið bendlaður við svo mörg morð hafa yfirvöld í Bandaríkjunum veitt tiltölulega litlar upplýsingar um hann. AP fréttaveitan hefur fjallað ítarlega um sértrúarsöfnuðinn, sem að mestu er skipaður ungum tölvunarfræðingum sem kynntust upprunalega á netinu. Þar deildu þeir skoðunum sínum um anarkisma og veganisma í tiltölulega stórum hópi en umræðan varð að sögn viðmælenda fréttaveitunnar, opinberra gagna og dómsskjala, sífellt meira ofbeldishneigð. Meðlimir hópsins kalla sig „Zizians“, sem er tilvísun í Ziz, leiðtoga sértrúarsöfnuðsins. Leiðtoginn heitir Jack LaSota en hún notar kvenkyns fornöfn. AP segir LaSota hafa flutt til San Francisco eftir að hafa öðlast gráðu í tölvunarfræði og verið í starfsnámi hjá Geimvísindastofnun Bandaríkjanna (NASA). Jack LaSota eftir að hún var handtekin 23. janúar 2023. Hún neitaði að tala og að opna augun.AP/Héraðssaksóknari Delawar Árið 2016 byrjaði hún að skrifa á bloggsíðu undir nafninu „Ziz“ þar sem hún fjallaði meðal annars um að heilahveli gætu ekki haldið í mismunandi gildi og að mismunandi kyn vildu oft drepa hvort annað. Að endingu mun LaSota hafa myndað nýjan og smærri hóp, úr áðurnefndum hóp á netinu, og tók hún með sér að sögn fréttaveitunnar einstaklega viðkvæma og einangraða fylgjendur. Stungu leigutaka með sverði Sértrúarsöfnuður þessi komst fyrst í kast við lögin í nóvember 2019. Þá var LaSota handtekin ásamt nokkrum öðrum vegna mótmæla í Norður-Karólínu. Sumarið 2022 barst Strandgæslu Bandaríkjanna tilkynning um að LaSota hefði fallið útbyrðis af báti í San Francisco flóa. Lík hennar fannst ekki en móðir hennar staðfesti að hún hefði dáið og birti minningargrein á netinu. Ziz stakk þó fljótt upp kollinum á nýjan leik. Haustið 2022 hafði hún flutt með öðrum úr hópnum í sendiferðabíla á lóð sem var í eigu manns sem heitir Curtis Lind, skammt frá San Francisco. Þegar Lind reyndi að vísa hópnum á brott fyrir að borga ekki leigu kom til átaka. Lind var stunginn með sverði og blindaðist að hluta til en í átökunum skaut hann Emmu Borhanian til bana. Saksóknarar komust að endingu að þeirri niðurstöðu að Lind hafi verið að verja sig en Alex Leatham og Suri Dao voru ákærð fyrir morð og fyrir morðtilraun. Talið er að LaSota hafi verið á vettvangi en hún var ekki handtekin. Lind var myrtur þann 17. janúar síðastliðinn þegar hann var skorinn á háls, skammt frá staðnum þar sem hann var stunginn árið 2022. Maximilian Snyder, sem er 22 ára, var handtekinn fyrir morðið en hann hefur tengsl við konu úr sértrúarsöfnuðinum sem kom að nýlegum skotbardaga þegar áðurnefndur landamæravörður lét lífið. Frá lóðinni þar sem Curtis Lind var myrtur.AP/Janie Har Hjón skotin í höfuðið Á gamlárskvöld 2022 voru hjónin Richard og Rita Zajko, sem tengjast sértrúarsöfnuðinum myrt í Pennsylvaníu. Þau voru skotin til bana á heimili þeirra. Dyrabjöllumyndavél fangaði bíl ekið upp að heimili þeirra og rödd kalla „mamma“. Þá heyrðist önnur rödd segja „Ó, guð minn góður, guð, guð.“ Hjónin fundust látin um morguninn og höfðu bæði verið skotin í höfuðið. Richard og Rita Zajko voru myrt á gamlárskvöld 2022.AP/Ríkislögregla Pennsylvaníu Dóttir þeirra, Michelle Zajko, var yfirheyrð vegna málsins og svo síðar færð í varhald, án þess þó að vera handtekin. Þá var LaSota með henni en hún var handtekin fyrir mótþróa. Sex mánuðum síðar var henni sleppt úr haldi gegn tryggingu en mætti aldrei fyrir dómara eins og henni bar. Hófu skothríð í umferðarstoppi Það var svo þann 20. janúar síðastliðinn þegar landamæraverðir stöðvuðu tvær manneskjur á bíl í Vermont. Þeim hafði borist ábending um að Teresa Youngblut, sem var í bílnum, hefði verið með byssu. Hún ók bílnum og segja yfirvöld að skömmu eftir að bíllinn var stöðvaður hafi hún skotið í átt að landamæravörðunum. Felix Bauckhol, sem er Þjóðverji, var með henni í bílnum en hann féll í skotbardaganum sem fylgdi, ásamt öðrum landamæraveranna sem hét David Maland. Í bílnum fundust nætursjónaukar, hjálmur, skotfæri, talstöðvar og skotmörk. Youngblut særðist og var handtekin. Hún hafði áður sótt um giftingarleyfi með Snyder sem hefur verið ákærður fyrir að myrða Lind. Byssan sem hún notaði mun hafa verið keypt af manneskju sem grunuð er um aðild að morðinu á Zajko-hjónunum. Landamæravörðurinn David Maland.AP/Heimavarnaráðuneyti Bandaríkjanna Gengur enn laus Ekki er vitað hvar LaSota er stödd. Lögmaður hennar vildi ekki svara fyrirspurnum AP og hún hefur ekki mætt í dómstól á skikkuðum tíma í tvö skipti í tveimur mismunandi ríkjum að undanförnu. Búið er að gefa út handtökuskipun á hendur hennar. Youngblut og Baukholt höfðu búið í íbúðunum í Norður-Karólínu sem nefndar eru í upphafi fréttarinnar en eigandi þeirra bar kennsl á LaSota þegar blaðamenn AP sýndu honum mynd. Hún hafði þá búið á svæðinu í vetur. Nágranni sagði meðlimi hópsins hafa sjaldan sést á ferðinni að degi til. Hann hafi einu sinni séð þrjá úr hópnum í svörtum kápum og klæddan í klæðnað sem hann kallaði „taktískan“ sem er til marks um einhverskonar herklæðnað. Nágranninn sagði þau hafa gengið um hverfið og um nærliggjandi skóga á kvöldin. Þau hafi iðulega haldist í hendur og virts annt um hvort annað.
Bandaríkin Erlend sakamál Mest lesið Þurfti áfallahjálp þegar flugi til Íslands var hætt Innlent Hótar að svipta Harvardháskóla skattfrelsi Erlent Sjúkdómsvaldandi bakteríur fylgi óböðuðum ferðamönnum Innlent Erlendir vasaþjófar handteknir bæði í höfuðborginni og á Suðurlandi Innlent „Hann kann allt varðandi þriðju vaktina“ Innlent Tveir „galdramenn“ í haldi Innlent Blaðamenn fangelsaðir vegna samstarfs við Navalní Erlent Laumaði sér í vasa ferðamanns og hirti af honum kortin Innlent Mikill meirihluti landsmanna vill ekki íslenskan her Innlent Ríkið selur villu og vill tæpan milljarð Innlent Fleiri fréttir Hótar að svipta Harvardháskóla skattfrelsi Blaðamenn fangelsaðir vegna samstarfs við Navalní Líkir viðurkenningu á Palestínu við „sigur fyrir hryðjuverk“ Kyrrsetja þyrlufyrirtækið eftir banaslysið í New York Kveikti í ríkisstjórasetrinu og ætlaði að berja ríkisstjórann með hamri Frysta milljarða fjárveitingar til að refsa Harvard-háskóla Segir Selenskí ábyrgan fyrir stríðsástandinu Tveir skotnir til bana í Gautaborg Sæðisgjafar hafi feðrað tugi barna í trássi við lög Harvard háskólinn neitar að fylgja skilyrðum Trumps Arkitekt guðs skrefi nær dýrðlingatölu Leiðtogar fordæma mannskæða árás Rússa Neita enn að hleypa AP fréttamönnunum að Breyta stjórnarskránni til að banna gleðigönguna Íslenskir feðgar flugu með þyrlunni nokkrum tímum fyrir slysið Fordæma harkalega árás Rússa á Sumy Yngsti lýðræðislega kjörni þjóðhöfðingi heims endurkjörinn Áfrýjar í von um að geta boðið sig fram til forseta Ísraelsher réðst á sjúkrahús Síðasti stjórnarandstöðuflokkur Hong Kong verður leystur upp Biðja Trump um að sýna hörku vegna vatnsdeilna við Mexíkó Tugir sagðir liggja í valnum eftir eldflaugaárás á Sumy Réðust á síðasta starfandi sjúkrahúsið í Gasaborg Fundi Bandaríkjanna og Íran lýst sem „uppbyggilegum“ Ætla í „öfluga“ yfirtöku á Gasaströndinni Snjallsímar undanskildir tollunum Létt fólk hvatt til að halda sig innandyra til að fjúka ekki Menendez bræðurnir nær frelsinu Skjótasta leiðin að friði að verða við kröfum Rússa Þessi Airbus gæti flogið á íslenskri orku til Oslóar Sjá meira