Viðskipti innlent

Hækka lág­marks­verð mjólkur

Lovísa Arnardóttir skrifar
Verðbreytingin mun væntanlega hafa áhrif á verð á mjólkurvörum út í búð.
Verðbreytingin mun væntanlega hafa áhrif á verð á mjólkurvörum út í búð. Vísir/Vilhelm

Verðlagsnefnd búvara hefur tekið ákvörðun um hækkun lágmarksverðs mjólkur til bænda og heildsöluverðs mjólkur og mjólkurafurða sem nefndin verðleggur. Verðlagsbreytingin tekur gildi þann 17. febrúar.

Þá hækkar lágmarksverð 1.fl. mjólkur til bænda um 0,46 prósent. Úr 136,30 krónum á líter í 136,93 krónur á líter.

Eftirfarandi verðbreyting mun taka gildi þann 17. febrúar 2025:

Heildsöluverð mjólkur og mjólkurvara sem nefndin verðleggur hækkar um 1,00 prósent.

Í tilkynningu á vef stjórnarráðsins kemur fram að hækkunin sé til komin vegna kostnaðarhækkana við framleiðslu mjólkur frá síðustu verðákvörðun sem byggði á verðlagi í september og tók gildi í október 2024.

Frá síðustu verðákvörðun hafa gjaldaliðir í verðlagsgrundvelli kúabús hækkað um 0,46 prósent samkvæmt tilkynningunni. Heildsöluverð á mjólk og mjólkurvörum hækkar um sem nemur kostnaðarhækkun vegna hráefniskaupa og hækkun vinnslu- og dreifingarkostnaðar.

Matur Drykkir Landbúnaður Verðlag


Mest lesið


Fleiri fréttir

Sjá meira


×

Mest lesið