Hellisheiðin lokuð

Þetta kemur fram á vefsíðu Vegagerðarinnar, umferðin.is. Þrengslin eru einnig lokuð.

Farinn verður fylgdarakstur yfir heiðina frá Hveragerði og frá Rauðavatni. Áætlað er að fyrsta ferð verði farin um klukkan níu. Þá verða farnar ferðir á um þrjátíu til fjörutíu mínútna fresti. 

Margir vegir eru á óvissustigi, þar á meðal Reykjanesbrautin. Þar fór óvissustig í gildi klukkan níu og verður á til klukkan þrjú í nótt.

Í þessu aðsenda myndskeiði má sjá færðina á heiðinni.

Gular veðurviðvaranir eru í gildi á Suðurlandi, í Faxaflóa og við Breiðafjörð til klukkan ellefu í kvöld. Á morgun verða appelsínugular viðvaranir í gildi frá klukkan tvö og alveg fram á fimmtudag.