Fótbolti

Orri og Elías í ein­vígi um að mæta ensku stórliði

Sindri Sverrisson skrifar
Orri Steinn Óskarsson skoraði bæði mörk Real Sociedad gegn PAOK í gærkvöld.
Orri Steinn Óskarsson skoraði bæði mörk Real Sociedad gegn PAOK í gærkvöld. Getty/Cesar Ortiz Gonzalez

Íslendingaliðin Real Sociedad og Midtjylland mætast í umspilinu um sæti í 16-liða úrslitum Evrópudeildarinnar í fótbolta. Dregið var í dag.

Orri Óskarsson skoraði tvennu fyrir Real Sociedad gegn PAOK í gærkvöld og freistar þess að koma boltanum framhjá Elíasi Rafni Ólafssyni í einvíginu við Midtjylland.

Sigurliðið úr einvíginu mætir annað hvort Manchester United eða Tottenham í 16-liða úrslitunum en ensku liðin eru þegar örugg með sæti þar. Sigurliðið úr einvígi Galatasaray og AZ Alkmaar mætir sömuleiðis annað hvort United eða Tottenham.

Umspilið um sæti í 16-liða úrslitum:

Bodö/Glimt (Nor) - Twente (Hol)

Anderlecht (Bel) - Fenerbahce (Tyr)

FCSB (Rúm) - PAOK (Gri)

Ajax (Hol) - Union SG (Bel)

Real Sociedad (Spá) - Midtjylland (Dan)

Galatasaray (Tyr) - AZ Alkmaar (Hol)

Roma (Íta) - Porto (Por)

Viktoria Plzen (Ték) - Ferencváros (Ung)

Fyrri leikirnir í umspilinu eru 13. febrúar og seinni leikirnir 20. febrúar.

Sigurliðin verða svo með þegar dregið verður í 16-liða úrslitin þann 21. febrúar, en 16-liða úrslitin verða spiluð 6. og 13. mars. Liðin átta sem eru komin í 16-liða úrslit eru:

  • Lazio
  • Athletic Bilbao
  • Olympiacos
  • Rangers
  • Frankfurt
  • Lyon
  • Manchester United
  • Tottenham
Evrópudeild UEFA

Mest lesið


Fleiri fréttir

Sjá meira


×

Mest lesið