Haaland sagður fá yfir tólf milljónir í laun á dag næsta ára­tuginn

Haaland er búinn að skrifa undir níu og hálfs árs samning við Manchester City og menn eru gapandi yfir launum hans. Þetta er lengsti samningur sem hefur verið gerður í ensku úrvalsdeildinni.

Samkvæmt upplýsingum TNT Sports þá fær Norðmaðurinn afar vel borgað næsta áratuginn.

Haaland er sagður frá 26 milljónir punda í árslaun eða tæplega 4,5 milljarða króna á hverju ári næstu tíu árin.

Fólkið á TNT Sport hefur sundurliðað launin samkvæmt þeim upplýsingum.

Haaland fær 2,17 milljónir punda á mánuði eða 375 milljónir í íslenskum krónum.

Hann fær fimm hundruð þúsund pund í laun á viku eða 86,3 milljónir í íslenskum krónum.

Hann fær 71,4 þúsund pund í laun á hverjum degi eða 12,3 milljónir í íslenskum krónum.

Hann fær síðan hálfa milljón króna á klukkutímann og yfir átta þúsund krónur á hverja mínútu.