Hafa hirt tugi hræja í höfuðborginni og fleiri kettir sendir í sýnatöku Elín Margrét Böðvarsdóttir skrifar 13. janúar 2025 19:31 Einna flest hræ hafa fundist af grágæs í Vatnsmýrinni í Reykjavík. Vísir/Bjarni Dýraþjónusta Reykjavíkur hefur hirt tugi hræa af dauðum fugli í dag og um helgina sem talið er að hafi drepist úr skæðri fuglaflensu. Minnst tveir kettir hafa greinst sýktir en þeim gæti farið fjölgandi en sýni hafa verið tekin úr fleiri köttum. Gæludýraeigendur eru hvattir til að sýna aðgát og hafa ketti inni eða í taumi þegar út er farið. Þótt veiran hafi ekki greinst í hundum til þessa eru hundaeigendur hvattir til að gæta að því að hundar þeirra leiti ekki í hræ. Holskefla tilkynninga um dauða og veika fugla barst Matvælastofnun um helgina, flestar af höfuðborgarsvæðinu, en veiran hefur greinst víðar um landið. Fuglaflensan hefur í flestum tilfellum herjað á grágæs og nokkrar álftir einnig. Dýraþjónusta borgarinnar hefur hirt tugi hræja síðastliðna daga. „Ég held að þetta sé, það sem er búið að hirða upp af dauðum fuglum eru örugglega 30-40 fuglar núna bara frá því um helgina. Og í dag, jafnvel 60,“ segir Þorkell Heiðarsson, deildarstjóri dýraþjónustu Reykjavíkur. Fuglshræ sem hirt hafa verið á höfuðborgarsvæðinu.aðsend Myndin hér að ofan sýnir poka sem fullir eru af hræjum sem hirt voru í morgun. Þegar fréttastofa var á vettvangi í Vatnsmýrinni eftir hádegi höfðu fundist um tuttugu hræ til viðbótar á skömmum tíma. Dýraþjónusta Reykjavíkur tekur við ábendingum um dauða og veika fugla á öllu höfuðborgarsvæðinu í samstarfi við nágrannasveitarfélög. „Gæsir til dæmis sem hegað sér undarlega og eru reikular í spori og virðast vera með einhver einkenni frá miðtaugakerfinu,“ útskýrir Þorkell. Hægt er að hringja í Dýraþjónustuna frá klukkan 9-21 á virkum dögum og klukkan 9-17 um helgar í síma 822 7820 eða senda tölvupóst á netfangið dyr@reykjavik.is. Utan þess tíma má tilkynna um dýr beint til lögreglu. Einnig má senda inn tilkynningar í gegnum heimasíðu MAST. Dýraþjónustan hefur verið MAST innan handar síðan fyrstu tilfelli fuglainflúensunnar H5N5 greindust í haust og tekið blóðsýni úr um fjörutíu fuglum. Þorkell Heiðarsson er deildarstjóri Dýraþjónustu Reykjavíkur.Vísir/Bjarni „Þau sýni sem hafa komið inn að undanförnu hafa verið sýkt, eða jákvæð, fyrir fuglaflensunni,“ segir Þorkell og minnir á að fólk eigi alls ekki sjálft að handfjatla veika eða dauða fugla. Fuglavinur fagnar hlákunni Veikindi fuglanna hafa ekki farið framhjá fuglaáhugakonunni Arianne Gähwiller sem daglega og gefur fuglunum fóður út við Gróttu á vegum félagsskaps sem nefnist Björgum dýrum í neyð. Hún segir það alvanalegt að fugl drepist í auknum mæli á veturna, en flensan nú geri illt vera. Sjálf hafi hún rekist á nokkur hræ að undanförnu. Arianne var mætt með fullan poka af fóðri í dag en gætir sín á því hvar fóðrinu er dreift. „Hérna er fullt af skít, og skíturinn er núna á þessari stundu ekki gott fyrirbæri þegar þessi veira er. Þannig ég er að reyna að finna mér nýjan stað á hverjum degi þannig þeir séu ekki að borða á sama stað aftur,“ segir Arianne. Arianne kemur og gefur fuglunum í Gróttu svo gott sem daglega og fylgist vel með fuglalífinu.Vísir/Bjarni „Hér hef ég orðið vör við einn og einn dauðan fugl. Mér finnst mikilvægast að þetta sé tekið strax og ekki látið liggja. Af því að svo fer náttúrlega hrafninn í til dæmis dauða gæs og hann gæti borið þetta áfram, og kisur og hundar líka,“ segir Arianne. Hún segir hláku undanfarinna daga geta verið af hinu góða. „Það er nefnilega svolítið slæmt þessi fuglaskítur þegar ís getur veira lifað, samt er gott að fá svona hláku og svo ís aftur þá drepst það. En ef það er bara ís þá helst veiran lengur. Það er mjög gott á Íslandi, það kannski bjargar okkur svolítið að fá svona hlákutíð inn á milli,“ útskýrir Arianne sem tekur þó fram að sjálf sé hún ekki líffræðingur. Sýni tekin úr fleiri köttum Tveir heimiliskettir hafa til þessa greinst smitaðir af flensunni en samkvæmt upplýsingum frá MAST hafa fleiri kettir verið sendir í rannsókn og er verið að bíða eftir niðurstöðum úr því. Eigendum hunda og katta er ráðlagt að sýna aðgát og halda heimilisköttum inni eða hafa þá í taumi á meðan flensan gengur yfir. „Dýraþjónusta Reykjavíkur tekur undir ráðgjöf frá dýralæknum og sérfræðingum Matvælastofnunar að halda heimilisköttum inni á meðan þessi skæða inflúensa gengur yfir en hún er bráðsmitandi og getur borist í ketti líkt og fugla. Ef viðra þarf kettina er mælt með að hafa þá í taumi. Þá er þeim tilmælum beint til hundaeigenda að gæta þess að hundar þeirra fari ekki í hræ af fuglum þótt engin staðfest smit yfir í hunda séu þekkt á þessum tímapunkti,“ segir í tilkynningu frá Reykjavíkurborg. Auk MAST, tekur Dýraþjónusta borgarinnar við ábendingum og tilkynningum um dýr í vanda á höfuðborgarsvæðinu. „Fólk er beðið um að gefa góða lýsingu á staðsetningu fuglanna og ef mögulegt er, senda myndir. Ef fólk verður vart við fugla í vanda eða dauða fugla utan þjónustutíma Dýraþjónustunnar er það beðið um að hafa samband við Lögregluna á höfuðborgarsvæðinu,“ segir í tilkynningunni. Fuglar Dýr Dýraheilbrigði Gæludýr Reykjavík Mest lesið Stærsti óttinn varð að veruleika á þriðja degi af 90 Innlent Rétt náði að stilla hjálminn sem bjargaði lífi dótturinnar Innlent Ökumaður dráttarvélarinnar fluttur með þyrlu Innlent „Af hverju sit ég einn af öllum þessum mönnum fyrir framan dómara?“ Innlent Segir Ísraelsher hafa myrt leiðtoga Hamas Erlent Fjögurra ára martröð Karlottu lauk með sýknudómi Innlent Oscar fluttur úr landi á þriðjudag Innlent Tuttugu ára fangelsisvist fyrir kynferðisbrot gegn 299 börnum Erlent Átta nemendur með ágætiseinkunn Innlent Margt til fyrirmyndar á Íslandi en gerir athugasemd við einangrunarvistun ódæmdra fanga Innlent Fleiri fréttir Rétt náði að stilla hjálminn sem bjargaði lífi dótturinnar Átta nemendur með ágætiseinkunn Margt til fyrirmyndar á Íslandi en gerir athugasemd við einangrunarvistun ódæmdra fanga Oscar fluttur úr landi á þriðjudag Sveitastjóraskipti í Reykhólahreppi Stærsti óttinn varð að veruleika á þriðja degi af 90 Fasteignamat fyrir 2026: Seltjarnarnes hástökkvarinn á höfuðborgarsvæðinu Tjaldaði á túni í miðborg Reykjavíkur Samrunatillögur bankanna og sjóveikur sundkappi Ökumaður dráttarvélarinnar fluttur með þyrlu Viðja bar sex lömbum takk fyrir „Af hverju sit ég einn af öllum þessum mönnum fyrir framan dómara?“ Dúxinn greip í saxófóninn Fjögurra ára martröð Karlottu lauk með sýknudómi Bein útsending: Uggandi yfir breytingum á Heiðmörk Úrslit hjá sósíalistum nær nákvæmlega eftir leiðbeiningum Dró vélarvana fiskibát að landi nærri Grindavík Bein útsending: Norðurslóðir í breyttum heimi Verzlingar settu upp húfur og skelltu sér til Krítar Óttast að stefna Trump-stjórnarinnar fæli námsmenn frá Bandaríkjunum Ísland verði að hafa skoðun á vörnum NATO við landið Fasteignamatið hækkar og áhyggjufullir námsmenn Staðfesta byggingaráform á Fannborgar- og Traðarreit Fólk flytur á landsbyggðina fyrir ódýrara húsnæði og rólegra umhverfi Kanna hvort ástæða sé til að endurvekja kjörstað í Fljótum Vill fá úr skorið hvort „annarlegar hvatir“ liggi að baki sniðgöngunni „Vestfirska efnahagsævintýrið“ í hættu verði veiðigjöldin hækkuð „Allsvakalega vímaður og ölvaður“ kallaði lögreglumenn „fagga og tíkur“ Sparnaðurinn bitni á fjölskyldum Málið alvarlegra en stjórnmálamenn gera sér grein fyrir Sjá meira
Holskefla tilkynninga um dauða og veika fugla barst Matvælastofnun um helgina, flestar af höfuðborgarsvæðinu, en veiran hefur greinst víðar um landið. Fuglaflensan hefur í flestum tilfellum herjað á grágæs og nokkrar álftir einnig. Dýraþjónusta borgarinnar hefur hirt tugi hræja síðastliðna daga. „Ég held að þetta sé, það sem er búið að hirða upp af dauðum fuglum eru örugglega 30-40 fuglar núna bara frá því um helgina. Og í dag, jafnvel 60,“ segir Þorkell Heiðarsson, deildarstjóri dýraþjónustu Reykjavíkur. Fuglshræ sem hirt hafa verið á höfuðborgarsvæðinu.aðsend Myndin hér að ofan sýnir poka sem fullir eru af hræjum sem hirt voru í morgun. Þegar fréttastofa var á vettvangi í Vatnsmýrinni eftir hádegi höfðu fundist um tuttugu hræ til viðbótar á skömmum tíma. Dýraþjónusta Reykjavíkur tekur við ábendingum um dauða og veika fugla á öllu höfuðborgarsvæðinu í samstarfi við nágrannasveitarfélög. „Gæsir til dæmis sem hegað sér undarlega og eru reikular í spori og virðast vera með einhver einkenni frá miðtaugakerfinu,“ útskýrir Þorkell. Hægt er að hringja í Dýraþjónustuna frá klukkan 9-21 á virkum dögum og klukkan 9-17 um helgar í síma 822 7820 eða senda tölvupóst á netfangið dyr@reykjavik.is. Utan þess tíma má tilkynna um dýr beint til lögreglu. Einnig má senda inn tilkynningar í gegnum heimasíðu MAST. Dýraþjónustan hefur verið MAST innan handar síðan fyrstu tilfelli fuglainflúensunnar H5N5 greindust í haust og tekið blóðsýni úr um fjörutíu fuglum. Þorkell Heiðarsson er deildarstjóri Dýraþjónustu Reykjavíkur.Vísir/Bjarni „Þau sýni sem hafa komið inn að undanförnu hafa verið sýkt, eða jákvæð, fyrir fuglaflensunni,“ segir Þorkell og minnir á að fólk eigi alls ekki sjálft að handfjatla veika eða dauða fugla. Fuglavinur fagnar hlákunni Veikindi fuglanna hafa ekki farið framhjá fuglaáhugakonunni Arianne Gähwiller sem daglega og gefur fuglunum fóður út við Gróttu á vegum félagsskaps sem nefnist Björgum dýrum í neyð. Hún segir það alvanalegt að fugl drepist í auknum mæli á veturna, en flensan nú geri illt vera. Sjálf hafi hún rekist á nokkur hræ að undanförnu. Arianne var mætt með fullan poka af fóðri í dag en gætir sín á því hvar fóðrinu er dreift. „Hérna er fullt af skít, og skíturinn er núna á þessari stundu ekki gott fyrirbæri þegar þessi veira er. Þannig ég er að reyna að finna mér nýjan stað á hverjum degi þannig þeir séu ekki að borða á sama stað aftur,“ segir Arianne. Arianne kemur og gefur fuglunum í Gróttu svo gott sem daglega og fylgist vel með fuglalífinu.Vísir/Bjarni „Hér hef ég orðið vör við einn og einn dauðan fugl. Mér finnst mikilvægast að þetta sé tekið strax og ekki látið liggja. Af því að svo fer náttúrlega hrafninn í til dæmis dauða gæs og hann gæti borið þetta áfram, og kisur og hundar líka,“ segir Arianne. Hún segir hláku undanfarinna daga geta verið af hinu góða. „Það er nefnilega svolítið slæmt þessi fuglaskítur þegar ís getur veira lifað, samt er gott að fá svona hláku og svo ís aftur þá drepst það. En ef það er bara ís þá helst veiran lengur. Það er mjög gott á Íslandi, það kannski bjargar okkur svolítið að fá svona hlákutíð inn á milli,“ útskýrir Arianne sem tekur þó fram að sjálf sé hún ekki líffræðingur. Sýni tekin úr fleiri köttum Tveir heimiliskettir hafa til þessa greinst smitaðir af flensunni en samkvæmt upplýsingum frá MAST hafa fleiri kettir verið sendir í rannsókn og er verið að bíða eftir niðurstöðum úr því. Eigendum hunda og katta er ráðlagt að sýna aðgát og halda heimilisköttum inni eða hafa þá í taumi á meðan flensan gengur yfir. „Dýraþjónusta Reykjavíkur tekur undir ráðgjöf frá dýralæknum og sérfræðingum Matvælastofnunar að halda heimilisköttum inni á meðan þessi skæða inflúensa gengur yfir en hún er bráðsmitandi og getur borist í ketti líkt og fugla. Ef viðra þarf kettina er mælt með að hafa þá í taumi. Þá er þeim tilmælum beint til hundaeigenda að gæta þess að hundar þeirra fari ekki í hræ af fuglum þótt engin staðfest smit yfir í hunda séu þekkt á þessum tímapunkti,“ segir í tilkynningu frá Reykjavíkurborg. Auk MAST, tekur Dýraþjónusta borgarinnar við ábendingum og tilkynningum um dýr í vanda á höfuðborgarsvæðinu. „Fólk er beðið um að gefa góða lýsingu á staðsetningu fuglanna og ef mögulegt er, senda myndir. Ef fólk verður vart við fugla í vanda eða dauða fugla utan þjónustutíma Dýraþjónustunnar er það beðið um að hafa samband við Lögregluna á höfuðborgarsvæðinu,“ segir í tilkynningunni.
Hægt er að hringja í Dýraþjónustuna frá klukkan 9-21 á virkum dögum og klukkan 9-17 um helgar í síma 822 7820 eða senda tölvupóst á netfangið dyr@reykjavik.is. Utan þess tíma má tilkynna um dýr beint til lögreglu. Einnig má senda inn tilkynningar í gegnum heimasíðu MAST.
Fuglar Dýr Dýraheilbrigði Gæludýr Reykjavík Mest lesið Stærsti óttinn varð að veruleika á þriðja degi af 90 Innlent Rétt náði að stilla hjálminn sem bjargaði lífi dótturinnar Innlent Ökumaður dráttarvélarinnar fluttur með þyrlu Innlent „Af hverju sit ég einn af öllum þessum mönnum fyrir framan dómara?“ Innlent Segir Ísraelsher hafa myrt leiðtoga Hamas Erlent Fjögurra ára martröð Karlottu lauk með sýknudómi Innlent Oscar fluttur úr landi á þriðjudag Innlent Tuttugu ára fangelsisvist fyrir kynferðisbrot gegn 299 börnum Erlent Átta nemendur með ágætiseinkunn Innlent Margt til fyrirmyndar á Íslandi en gerir athugasemd við einangrunarvistun ódæmdra fanga Innlent Fleiri fréttir Rétt náði að stilla hjálminn sem bjargaði lífi dótturinnar Átta nemendur með ágætiseinkunn Margt til fyrirmyndar á Íslandi en gerir athugasemd við einangrunarvistun ódæmdra fanga Oscar fluttur úr landi á þriðjudag Sveitastjóraskipti í Reykhólahreppi Stærsti óttinn varð að veruleika á þriðja degi af 90 Fasteignamat fyrir 2026: Seltjarnarnes hástökkvarinn á höfuðborgarsvæðinu Tjaldaði á túni í miðborg Reykjavíkur Samrunatillögur bankanna og sjóveikur sundkappi Ökumaður dráttarvélarinnar fluttur með þyrlu Viðja bar sex lömbum takk fyrir „Af hverju sit ég einn af öllum þessum mönnum fyrir framan dómara?“ Dúxinn greip í saxófóninn Fjögurra ára martröð Karlottu lauk með sýknudómi Bein útsending: Uggandi yfir breytingum á Heiðmörk Úrslit hjá sósíalistum nær nákvæmlega eftir leiðbeiningum Dró vélarvana fiskibát að landi nærri Grindavík Bein útsending: Norðurslóðir í breyttum heimi Verzlingar settu upp húfur og skelltu sér til Krítar Óttast að stefna Trump-stjórnarinnar fæli námsmenn frá Bandaríkjunum Ísland verði að hafa skoðun á vörnum NATO við landið Fasteignamatið hækkar og áhyggjufullir námsmenn Staðfesta byggingaráform á Fannborgar- og Traðarreit Fólk flytur á landsbyggðina fyrir ódýrara húsnæði og rólegra umhverfi Kanna hvort ástæða sé til að endurvekja kjörstað í Fljótum Vill fá úr skorið hvort „annarlegar hvatir“ liggi að baki sniðgöngunni „Vestfirska efnahagsævintýrið“ í hættu verði veiðigjöldin hækkuð „Allsvakalega vímaður og ölvaður“ kallaði lögreglumenn „fagga og tíkur“ Sparnaðurinn bitni á fjölskyldum Málið alvarlegra en stjórnmálamenn gera sér grein fyrir Sjá meira