Hæstiréttur Bandaríkjanna hefur hafnað beiðni Donalds Trumps verðandi Bandaríkjaforseta, um að fresta dómsuppkvaðningu í þöggunarmálinu svokallaða.
Í maí var Trump sakfelldur fyrir að falsa skjöl til þess að hylma yfir þagnargreiðslur til Stromy Daniels, fyrrverandi klámstjörnu. Þar með varð hann fyrsti maðurinn sem hefur gengt embætti Bandaríkjaforseti til að hljóta dóm í sakamáli.
Í kjölfarið hafa lögmenn Trumps reynt að koma í veg fyrir að dómsuppkvaðning eigi sér stað. Því hefur nú verið hafnað á öllum dómstigum.
Dómsuppkvaðning í málinu mun því fara fram, að öllu óbreyttu, í dag föstudag í New York.
Donald Trump, verðandi forseti Bandaríkjanna, talaði á þriðjudagskvöld við Samuel Alito, forseta Hæstaréttar, skömmu áður en lögmenn Trumps báðu dómstólinn um að stöðva dómsuppkvaðningu í þöggunarmálinu svokallaða. Alito heldur því fram að þeir hafi talað um fyrrverandi aðstoðarmann hans sem gæti starfað innan ríkisstjórnar Trumps.
